ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 555,18 դրամ ԱՐԾԱԹ - 262,3 դրամ ՊԼԱՏԻՆ - 14 007,91 դրամ

ՀՀ ԱԺ-ում քննարկվել են ազգային անվտանգության և պետական պահպանության ծառայության գալիք տարվա բյուջետային հատկացումները

ՀՀ ԱԺ պաշտպանության և անվտանգության հարցերի մշտական հանձնաժողովն Անդրանիկ Քոչարյանի նախագահությամբ օգոստոսի 8-ին կայացած աշխատանքային նիստում քննարկել է ՀՀ 2020 թվականի պետական բյուջեի նախնական տարբերակում ներկայացված ԱԱԾ և ՊՊԾ ոլորտների ֆինանսական հատկացումներն ու բյուջետային ծրագրերը: 
Նշվել է, որ Ազգային անվտանգության համակարգի զարգացման հիմնական գերակայությունը նորագույն հատուկ տեխնիկայի, սարքավորումների, զենքի և զինամթերքի ձեռքբերման շարունակական գործընթացի ապահովումն է: Կարևորվել են նաև տնտեսության բնագավառում կատարվող հանցագործությունների, այդ թվում՝  կոռուպցիայի տարբեր դրսևորումների և տնտեսության զարգացմանը խոչընդոտող այլ երևույթների ժամանակին հայտնաբերման ու բացահայտման աշխատանքների ակտիվացումը, պետական սահմանի շուրջօրյա հսկումն ու պահպանումը, օրենքով վերապահված այլ գործողությունների իրականացումը: 
ԱԱԾ տնօրենի տեղակալ Արամ Հակոբյանը տեղեկացրել է, որ կառույցին 2020 թվականին նախատեսվել է հատկացնել 23 միլիարդ 218 միլիոն դրամ. կիրականացվի 7 ծրագիր: Կապիտալ ծախսերի համար նախատեսվել է հատկացնել 582 միլիոն դրամ: Առաջիկայում կկառուցվի սահմանապահ նոր ուղեկալ: 
Ըստ բանախոսի՝ գալիք տարի Պետական պահպանության ծառայությանը կհատկացվի 3 միլիարդ 373 միլիոն 730 հազար դրամ: 
Աշխատանքային քննարկմանը մասնակցել են նաև ՀՀ ԱԺ բյուջետային գրասենյակի ներկայացուցիչները: Ոլորտին առնչվող մի շարք հարցերի վերաբերյալ տրվել են պարզաբանումներ: 


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 50%
Քամի՝ 6 կմ/ժ
5 C°
 
-2°   
23.11.2019
-1°   
24.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։