ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 197,02 դրամ ԱՐԾԱԹ - 278,48 դրամ ՊԼԱՏԻՆ - 14 513,44 դրամ

Իսրայելն «օդային պատերազմներ» է սկսել Իրանի դեմ

ՄԱԿ-ում Լիբանանի մշտական ներկայացուցիչն Իսրայելի կողմից Լիբանանի օդային տարածքը խախտելուց հետո դիմել է Անվտանգության խորհրդին և կազմակերպության գլխավոր քարտուղարին՝ Իսրայելի վրա արդյունավետ ճնշում գործադրելու խնդրանքով: «Լիբանանը կրկին խնդրում է Անվտանգության խորհրդին  և Անվտագության խորհրդի միջոցով ողջ միջազգային հանրությանը անհրաժեշտ արդյունավետ ճնշում գործադրել Իսրայելի վրա՝ խախտումները դադարեցնելու համար», - ասվում է նամակում:

Օգոստոսի 24 լույս 25-ի գիշերն իսրայելական անօդաչու թռչող սարքերը հարձակում են գործել Հզբոլլահ շարժման դիրքերի վրա Բեյրութի հարավում: ԱԹՍ-ներից մեկը պայթել է երկնքում, մյուսն ընկել է շիական շարժման մամուլի կենտրոնի մոտ: Լիբանանի վարչապետ Սաադ Հարիրին միջադեպն անվանել է Լիբանանի ինքնիշխանության դեմ չքողարկված ագրեսիա, իսկ Հզբոլլահի առաջնորդ Հասան Նասրալլահն արդեն խոստացել է համարժեք պատասխան տալ Իսրայելին:

Իսրայելը վերջին շրջանում ակտիվ պայքար է սկսել տարածաշրջանում Իրանի և վերջինիս դաշնակիցների դեմ: Այսպես, օգոստոսի 24 լույս 25-ի գիշերն Իսրայելը հարվածներ է հասցրել նաև Սիրիայում իրանական հատուկ նշանակության «Ալ-Կուդս» ուժերի և շիական միավորումների դիրքերին, ինչի մասին հայտարարել է  անձամբ վարչապետ Բենյամին Նեթանյահուն:

Եվ եթե Սիրիայի տարածքում իրանական դիրքերին իսրայելական հարվածները նոր չեն, և վերջին շրջանում Իսրայելը նույնիսկ սկսել է բարձրաձայնել դրանց մասին, ապա Իրաքում իսրայելական հարձակումները նորություն են: Այսպես, Իսրայելի վարչապետը հարցազրույցներից մեկում չի հերքել օգոստոսի 21-ին Իրաքում ժողովրդական աշխարհազորայինների ռազմաբազաների վրա ԱԹՍ-ների հարձակմանն Իսրայելի մասնակցությունը: Որոշ տեղեկությունների համաձայն՝ վերջին մեկ ամսվա ընթացքում սա Իրաքում Իրանի և վերջինիս դաշնակիցների դիրքերի վրա իսրայելական հարձակման առաջին դեպքը չէ:

Իսրայելն այսպիսով փորձում է նվազեցնել Իրանի ակտիվությունը Մերձավոր Արևելքում: Հիշեցնենք, որ Իսրայելն անվտանգային լուրջ մտավախություններ ունի Իրանի հետ կապված: Իրանի դեմ պայքարի ակտիվացումն այս շրջանում մի կողմից կարող է Նեթանյահուի համար քաղաքական դիվիդենտներ բերել սեպտեմբերին սպասվող արտահերթ խորհրդարանական ընտրություններում, մյուս կողմից նպաստում է Իրանի վրա առավելագույն ճնշում գործադրելու ԱՄՆ քաղաքականությանը:

Սակայն իրականում Իսրայելի այս քաղաքականությունը կարող է հակառակ ազդեցություն ունենալ: Չի բացառվում, որ,հաշվի առնելով իսրայելական վտանգը, Սիրիայում, Իրաքում և Լիբանանում էլ ավելի մեծանան իրանամետ տրամադրությունները՝ ամրապնդելով այդ երկրներում Իրանի դիքերը:

Մյուս կողմից՝ Իսրայելի գործողությունները մեծացնում են անկայությունը տարածաշրջանում. Իրանի կողմից Իսրայելի գործողություններին համարժեք պատասխանի դեպքում մեծ է Մերձավոր Արևելքում ռազմական նոր հակամարտության վտանգը, որը կարող է շատ ավելի աղետալի հետևանքներ ունենալ:

այլ նյութեր այս թեմայով


Եղանակ
Երևան
Մասամբ ամպամած
Խոնավություն՝ 62%
Քամի՝ 8 կմ/ժ
17 C°
 
15°  28° 
17.09.2019
14°  27° 
18.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը