ԵՐԵՎԱՆ 23 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 197,02 դրամ ԱՐԾԱԹ - 278,48 դրամ ՊԼԱՏԻՆ - 14 513,44 դրամ

Բորիս Ջոնսոնը դադարեցրել է խորհրդարանի գործունեությունը. Բրիտանիան նոր ճգնաժամի նախաշեմին

Մեծ Բրիտանիայի վարչապետ Բորիս Ջոնսոնը մեկ ամսով կասեցրել է խորհրդարանի ստորին պալատի՝ Համայնքների պալատի գործունեությունը: Նա համապատասխան նամակ է հղել խորհրդարանականներին՝ հայտնելով, որ հաջորդ նստաշրջանը կգումարվի հոկտեմբերի 14-ին և որ ինքն այդ մասին տեղյակ է պահել Թագուհուն:

Հիշեցնենք, որ հոկտեմբերի 31-ին Մեծ Բրիտանիան պետք է լքի Եվրամիությունը՝ նոր պայմանագրով, կամ առանց դրա: Խորհրդարանում ընդդիմադիր կուսակցություններն ու անկախ պատգամավորները բանակցություններ են վարում՝ միավորվելու և առանց համաձայնագրի Brexit թույլ չտալու վերաբերյալ: Քննարկվում էր նաև կառավարությանն անվստահություն հայտնելու հարցը:

Ըստ փորձագետների, խորհրդարանն արձակելու այս որոշմամբ Ջոնսոնը փորձում է կանխել ընդդիմադիրների հնարավոր քայլերը, համապատասխան օրինագծերի ընդունումը: Հիշեցնենք, որ Բորիս Ջոնսոնը կոշտ Brexit-ի կողմնակից է և չի բացառում առանց համաձայնագրի ելքը:

Սակայն վերջինս ժխտել է այս մեղադրանքները և խորհրդարանի գործունեությունը կասեցնելու իր որոշումը հիմնավորել է երկրի ներքին օրակարգն առաջ մղելու անհրաժեշտությամբ: «Օրինագծեր են ներկայացվել, որոնք արժանի են քննարկման, բայց երբեմն տպավորություն է ստեղծվում, որ դրանք ուղղված են ժամանակը լցնելուն»,- գրել է Ջոնսոնն իր նամակում՝ խոստանալով հոկտեմբերին մեկնարկող նստաշրջանին ներկայացնել «հավակնոտ ներքին օրենսդրական ծրագիր՝ Brexit-ից հետո երկրի թարմացման համար»:

Նա նաև համոզվածություն է հայտնել, որ ժամանակը կբավարարի՝ բոլոր հարցերի քննարկման համար:

Օրերս Փարիզում ընթացող «Մեծ Յոթնյակի» գագաթաժողովի ժամանակ Բրիտանիայի վարչապետը հայտարարել էր, որ Brexit-ի ներկայիս նախագիծը մահացած է համարում և դրանում ներառված տույժերը, որ պիտի մուծի Բրիտանիան, չեն գործի, եթե նոր համաձայնագիր չկնքվի: Իսկ համաձայնագրի կնքումը ներկայիս տեսքով՝ առանց իռլանդական փափուկ սահմանի դրույթի փոփոխման, նա անհնար է համարում: Ջոնսոնը չի համաձայնվում նաև հետաձգել Brexit-ը:

Չի բացառվում, որ վարչապետի նման քայլը կարող է նոր ներքաղաքական ճգնաժամի հանգեցնել: Արդեն իսկ սկսել են բացասական արձագանքներ հնչել: Ընդդիմադիր լեյբորիստական կուսակցության առաջնորդ Ջերեմի Կորբինը հանդիպում է խնդրել Թագուհու հետ՝ անհամաձայնություն հայտնելով վարչապետի որոշմանը: Իսկ Շոտլանդիայի առաջին նախարար Նիկոլա Ստերջենը թվիթերում գրել է. «Եթե խորհրդարանի անդամները չմիավորվեն նրան կանգնենցնելու համար, սա կմտնի պատմության մեջ որպես բրիտանական ժողովրդավարության սև օր»:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 30%
Քամի՝ 5 կմ/ժ
23 C°
 
15°  29° 
21.09.2019
  21° 
22.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը