ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 519,28 դրամ ԱՐԾԱԹ - 261,56 դրամ ՊԼԱՏԻՆ - 13 388,89 դրամ

Հենրիխ Մխիթարյանը՝ «Ռոմա» տեղափոխության մասին

Twitter

Հայաստանի ֆուտբոլի ազգային հավաքականի ավագ և իտալական «Ռոմա» ֆուտբոլային ակումբի  ֆուտբոլիստ Հենրիխ Մխիթարյանը Եվրո-2020 որակավորման փուլի Իտալիայի հետ խաղից առաջ այսօր հանդիպել է լրագրողների հետ: Այս մասին հայտնում է Panorama-ն

Անդրադառնալով իտալական ակումբ տեղափոխությանը՝ ֆուտբոլիստը նշել է, որ վերջին օրն է իմացել այդ մասին:

«Ամեն ինչ տեղի ունեցավ վերջին օրը՝ «Արսենալ»-«Տոտենհեմ» ֆուտբոլային հանդիպումից հետո։ Զանգ ստացա գործակալիցս և տեղեկացա, որ հաջորդ օրը պետք է մեկնեմ Հռոմ,  բուժզննում անցնեմ և պայմանագիր ստորագրեմ։ Կարծում եմ՝ շատ լավ  հնարավորություն է ինձ համար, քանի որ «Արսենալ»-ում շատ հանդիպումների չէի մասնակցում»,- նշել է Հենրիխ Մխիթարյանը:

Այնուհետև Հենրիխ Մխիթարյանը խնդրել է ավելի շատ հարցեր ուղղել Հայաստանի ազգային հավաքականի մասին:

Խոսելով Իտալիայի հավաքականի մասին՝ նշել է, որ Իտալիայի ներկայիս հավաքականը տարբերվում է նախորդ հավաքականներից, որոնց դեմ խաղացել են դեռ 2012թ-ին։  

«Փոփոխությունները նախորդ խաղերի համեմատ շատ են: Փոխվել է կազմը, փոխվել է մարզիչը, փոխվել է խաղային փիլիսոփայությունը: Չեմ կարող ասել, որ  ներկայիս հավաքականը նման է նախորդին։  Այս հավաքականը սիրում է գնդակով խաղալ: Եւ մենք փորձելու ենք ամեն ինչ անել խաղը վերահսկելու համար, կփորձենք անել առավելագույնը և պատվով հանդես գալ»,- ընդգծեց Հենրիխ Մխիթարյանը։

Հարցին, թե արդյոք մյուս թիմերի համեմատ Իտալիայի թիմն ավելի ուժեղ է, հավաքականի ավագն ասել է, որ Իտալիան խմբի ամենաուժեղ թիմն է: «Կփորձենք պայքարել երկրորդ տեղի համար»։

Ինչ վերաբերում է իր մարզավիճակին, Հենրիխ Մխիթարյանն ասել է, որ խաղին 100%-ով պատրաստ է. «Ֆուտբոլը խաղում են ոչ միայն ոտքերով, այլ նաև ուղեղով։ Պետք է անել ամեն ինչ, որպեսզի պատրաստ լինես խաղալ ամբողջ հանդիպման ընթացքում»։

Նշենք, որ Հայաստան-Իտալիա հանդիպումը տեղի կունենա սեպտեմբերի 5-ին։


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 35%
Քամի՝ 3 կմ/ժ
5 C°
 
-1°  10° 
20.11.2019
   
21.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։