Արմեն Սարգսյանը բացել է հայ անվանի լուսանկարիչների աշխատանքների ցուցադրությունը
Հանրապետության նախագահի նստավայրում այսօր Առաջին հայկական միջազգային ֆոտոփառատոնի շրջանակում բացվել է «Հայ լուսանկարչության պատմական ժառանգությունը» խորագիրը կրող բացօթյա ցուցահանդեսը:
Բացման արարողության ժամանակ ֆոտոփառատոնի հիմնադիր Տաթև Մնացականյանը շնորհակալություն է հայտնել նախագահ Արմեն Սարգսյանին՝ նման գեղեցիկ ցուցադրությունը նախագահական նստավայրի այգում հյուրընկալելու համար: «Այստեղ դուք տեսնելու եք Առաջին հայկական միջազգային ֆոտոփառատոնի ամենագեղեցիկ ցուցադրությունը՝ ցուցադրությունների մարգարիտը»,- նշել է նա:
Նախագահ Արմեն Սարգսյանը, կարևորելով նմանօրինակ ցուցադրության կազմակերպումը, ընդգծել է, որ լուսանկարչությունը մեր ամենօրյա կենցաղի անբաժան մասն է դարձել, և թեև մեզնից յուրաքանչյուրը մեր հեռախոսների միջոցով ասես լուսանկարիչ է դարձել, սակայն իրականում լուսանկարչությունը նախ և առաջ մեծ արվեստ է: «Լուսանկարչությունը նախ և առաջ հսկա արվեստ է: Մենք կարող ենք հպարտ լինել, քանի որ հայ լուսանկարչությունն իսկապես հսկայական ավանդույթներ է ունեցել և ունի: Այն մեծ ներդրում է ունեցել համաշխարհային լուսանկարչության ոլորտում: Մեր երիտասարդ լուսանկարիչներին նույնն եմ ուզում մաղթել՝ արժանի լինեք մեր վարպետներին և շարունակեք այդ գործը,-նշել է նախագահը:-Լուսանկարը նաև պատմություն է: Այսօրվա ցուցահանդեսը հենց դա է ապացուցում՝ լուսանկարը հսկայական տեղեկատվություն է իր մեջ պարունակում: Այն հսկայական տեղեկություն է մեզ փոխանցում ժամանակի, մարդկանց մասին»:
Նախագահի խոսքով՝ ցուցահանդեսը մեկ այլ նպատակ էլ ունի՝ ինքներս մեզ, մեր արժեքներն ու մեր մեծերին ճանաչելը: «Երբ ամիսներ առաջ գնացի Գյումրի և ասացի, որ պետք է ճանաչենք մեր հայրենիքը, դրանք ուղղակի խոսքեր չէին: Իսկապես պետք է Երևանից դուրս գանք, քանի որ մեր հայրենիքը շատ ավելի մեծ է, քան մեր քաղաքը: Այս ցուցահանդեսն օրինակներից մեկն է՝ եկեք ճանաչենք մեզ: Ոչ միայն Գյումրին, Արցախը, Վանաձորը, Սյունիքը, այլև մեզ: Եվ սկսենք մեր մեծերից»,- նշել է նախագահը: Նա ընդգծել է, որ նախագահական նստավայրում կազմակերպված այս ցուցահանդեսը շնորհակալության խոսք է մեծ հայ լուսանկարչական արվեստին:
Ցուցահանդեսը կազմակերպվել է Հանրապետության նախագահի աշխատակազմի և ֆոտոփառատոնի հիմնադիր Տաթև Մնացականյանի ջանքերով: Լուսանկարները տրամադրել է Անդրանիկ Քոչարի լուսանկարչական թանգարանը, իսկ ցուցահանդեսի հավաքածուի մշակման վրա աշխատել է անվանի լուսանկարչի որդին՝ Վահան Քոչարը: Ցուցահանդեսին ներկայացվել էին հայտնի հայ լուսանկարիչներ Աբդուլլահ եղբայրների, Անտուան Սևրուգինի, Յուսուֆ Քարշի, Իդա Քարի, Արա Գյուլերի, Վլադիմիր Մուսայելյանի, Հարրի Կունդաքչյանի և այլոց գործերը: Ցուցահանդեսը կգործի Հանրապետության նախագահի նստավայրի այգում՝ մինչև սեպտեմբերի 22-ը:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 20%
Քամի՝ 0,51 կմ/ժ