ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՀԱՊԿ հեղինակության վերաբերյալ մտահոգություննը բնական չեն հնչում

Ռուսաստանի և Բելառուսի կողմից Ադրբեջանին զենքի վաճառքի փաստը մեկնաբանելով՝ ՀՀ ԱԳՆ մամուլի խոսնակ Աննա Նաղդալյանն այսօր հայտարարել է որ «այն փաստը, որ ՀԱՊԿ որոշ անդամներ զենք են վաճառում Ադրբեջանին, բացասաբար է ազդում կազմակերպության հեղինակության և ընդհանրապես համագործակցության մթնոլորտի վրա»:

Ռուսաստանի և Բելառուսի կողմից Ադրբեջանին զենք վաճառելն, անշուշտ, խնդիր է և՛ մեր, և՛ ռազմաքաղաքական ողջ կառույցի համար, և Հայաստանի իշխանություններն դա միշտ բարձրաձայնել են: Սակայն Հայաստանի ներկայիս իշխանությունների կողմից ՀԱՊԿ հեղինակության վերաբերյալ մտահոգությունների բարձրաձայնումն, առնվազն, համոզիչ չի հնչում:

Վերջին շրջանում ամենալուրջ հարվածը կառույցի հեղինակությանը հասցրեց հենց Հայաստանը՝ քրեական գործ հարուցելով կառույցի գլխավոր քարտուղարի նկատմամբ և անակնկալ կերպով նրան հետ կանչելով: Դրանից հետո, դժվար թե, ՀԱՊԿ մյուս գործընկերները մտածեն, որ Հայաստանն այնքան է մտածում կառույցի հեղինակության մասին, որ իրենց էլ «ամոթանք տալու» հիմքեր ունի:

Խնդիրը բարձրաձայնելու և այն լուծելու այլ ուղիներ և փաստարկներ են անհրաժեշտ: Ընդհանրապես, բազմիցս համոզվել ենք, որ ՀԱՊԿ մեր գործընկերների վրա Ադրբեջանի իշխանությունները բավականին լավ համագործակցում են և ՀԱՊԿ անդամ չլինելով հանդերձ բավականին արդյունավետ պաշտպանում են իրենց շահերը կառույցի ներսում: Սա չի կարող մեզ չանհագնստացնել: Ուստի, պետք է հենց այդ ուղղությամբ աշխատենք, մեր կշիռը մեծացնենք կառույցում:

Այսօր աստիճանաբար նոր իրավական հիմքեր են ստեղծվում աստիճանաբար Ադրբեջանին դեպի կառույց ներքաշելու ուղղությամբ, և այստեղ Հայաստանից լրացուցիչ աչալրջություն կպահանջվի՝ անկախ նրանից, թե Կանոնադրության մեջ ինչ է գրված: Մեր գերակայությունը պետք է լինի գործընկերների հետ հարաբերությունները խորացնելը, մեր հանդեպ հարգանքն ու վստահությունը մեծացնելը, ոչ թե եղածն էլ փոշիացնելը:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: