ԵՐԵՎԱՆ 6 C°
ՀՀ ԿԲ -
  • USD - 394 դրամ -1,12 EUR - 408 դրամ -2,25 RUB - 6 դրամ -0,49 GBP - 473 դրամ -1,58
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Զոհրաբ Մնացականյանը հանդիպել է լիբանանցի իր գործընկերոջ հետ

ՄԱԿ Գլխավոր ասամբլեայի 74-րդ նստաշրջանի աշխատանքներին մասնակցող ԱԳ նախարար Զոհրաբ Մնացականյանը հանդիպեց Լիբանանի ԱԳ նախարար Ջեբրան Բասիլի հետ: 

Արտաքին քաղաքական գերատեսչությունների ղեկավարները գոհունակություն հայտնեցին տարբեր մակարդակներում և ոլորտներում առկա ակտիվ երկխոսության և շփումների կապակցությամբ՝ պատրաստակամություն հայտնելով համատեղ ջանքեր գործադրել երկու երկրների և ժողովուրդների միջև ավանդական բարեկամական գործընկերության ամրապնդման և առավել ընդլայնման ուղղությամբ: Այդ առնչությամբ առանձնահատուկ ընդգծվեց Լիբանանի հասարակական-քաղաքական կյանքում մեծ ներդրում ունեցած և երկու երկրների միջև կամրջող օղակ հանդիսացող հայ համայնքի դերը: 

ԱԳ նախարարներ Մնացականյանը և Բասիլին մտքեր փոխանակեցին միջազգային և տարածաշրջանային օրակարգի մի շարք հարցերի, Մերձավոր Արևելքում ընթացող գործընթացների շուրջ: Հայաստանի ԱԳ նախարարն իր լիբանանցի գործընկերոջը ներկայացրեց Հայաստանի ներգրավվածությունը Լիբանանում խաղաղապահ և տարածաշրջանում հումանիտար առաքելություններին։

Կրոնական ազատությունների և խտրականության դեմ պայքարի համատեքստում նախարար Մնացականյանը վերահաստատեց Հայաստանի հանձնառությունը՝ նպաստելու կրոնական ազատությունների ապահովմանն ուղղված միջազգային հանրության ջանքերին և պայքարելու քաղաքական նպատակներով կրոնի և հավատքի շահարկման դեմ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մառախուղ
Խոնավություն՝ 81%
Քամի՝ 0 կմ/ժ
6 C°
 
   
01.12.2022
10°   
02.12.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։