ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 519,06 դրամ ԱՐԾԱԹ - 262,62 դրամ ՊԼԱՏԻՆ - 13 832,41 դրամ

Արցախի մասնակցությունը վստահության մթնոլորտի ձևավորմանն ուղղված հումանիտար նախաձեռնություններում առանցքային նշանակություն ունի

Մոսկվայում ԵԱՀԿ գլխավոր քարտուղար Թոմաս Գրեմինգերի հետ բանակցությունների ավարտին կայացած մամլո ասուլիսի ընթացքում լրագրողի հարցին ի պատասխան ՌԴ ԱԳ նախարար Սերգեյ Լավրովը նորից հիշեց ապրիլին Մոսկվայում կայացած հանդիպման արդյունքում ձեռք բերված հումանիտար բնույթի պայմանավորվածությունները: Հիշեցնենք՝ 2019 թվականի ապրիլի 15-ին կայացած համատեղ հանդիպման արդյունքում ընդունված հայտարարության մեջ կողմերը պայմանավորվել էին «փոխադարձության հիման վրա միջոցներ ձեռնարկել՝ թույլատրելու կողմերի տարածքում կալանքի մեջ գտնվող անձանց հարազատների այցերը, միաժամանակ պատրաստակամություն հայտնել գործնական միջոցներ ձեռնարկել մարդկանց միջև շփումների հաստատման ուղղությամբ, այդ թվում՝ ԶԼՄ-ների ներկայացուցիչների փոխադարձ այցելությունների միջոցով»: Լավրովի պնդմամբ՝ այսօր աշխատանքները լրագրողների փոխայցելություններ կազմակերպելու ուղղությամբ ընթացքի մեջ են և «հույս» կա:

Հատկանշական է, որ այս ընթացքում համանախագահների կողմից չի եղել հստակեցում, որ, օրինակ, ԶԼՄ-ների ներկայացուցիչների փոխադարձ այցելությունների մեջ ներգրավված են լինելու նաև լրագրողներ Արցախից: Թեև նման ակցիայի նպատակը, այն է՝ կառուցողականության և փոխվստահության մթնոլորտ ապահովելը, որևէ կերպ չի կարող իրագործվել առանց հակամարտության մեջ անմիջականորեն ներգրավված կողմի՝ Արցախի մասնակցության:

Այս հարցին և արցախցի լրագրողների ներգրավվածության խնդրին դեռ մայիս ամսին անդրադարձել էր նաև ՀՀ ԱԳ նախարար Զոհրաբ Մնացականյանը՝ «Հայացք Երևանից» հաղորդաշարի եթերում: Հաղորդման ընթացքում արտգործնախարարը համաձայնել էր հաղորդավարի այն դիտարկմանը, որ արցախցի լրագրողների մասնակցությունը միակ արդյունավետ ճանապարհն է: Ավելին, Մնացականյանը հաստատել էր, որ աշխատում են այդ ուղղությամբ:

Այսօր մնում է հուսալ, որ այս հարցում չենք ունեցել կամ չենք ունենա հերթական հետքայլը, և Արցախը բանակցային սեղան վերադարձնելն իր առաջնային նպատակ հռչակած կառավարությունը կանի առավելագույնը՝ գոնե հասնելու համար Արցախի լիարժեք մասնակցության հումանիտար բնույթի այս նախաձեռնություններում: Ի վերջո՝ Արցախի մասնակցությունը վստահության մթնոլորտի ձևավորմանն ուղղված հումանիտար նախաձեռնություններում առանցքային նշանակություն ունի:  

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 45%
Քամի՝ 5 կմ/ժ
5 C°
 
-1°   
22.11.2019
-1°   
23.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։