Դամասկոսում 172 ուղևորով օդանավը հայտվել է կրակի գոտում

• 07.02.2020, 11:00
•  Մերձավոր Արևելք,  Աշխարհ

Azh.kz

172 ուղևորով օդանավը վայրէջք կատարելիս գրեթե հայտնվել է սիրիական բանակի կրակի տակ, որը հետ էր մղում Դամասկոսի մերձակայքում Իսրայելի հարձակումը: Արդյունքում օդանավը տեղափոխվել է ռուսական ավիաբազա, հայտնել է ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը, փոխանցում է «ՌԻԱ Նովոստի»-ն:

Գեներալի խոսքով՝ հինգշաբթի գիշերը ժամը 2-ից հետո Իսրայելի ՌՕՈՒ չորս F-16 կործանիչներ առանց Սիրիայի օդային տարածք մտնելու ութ «օդ-հող» հրթիռով անսպասելի հարվածներ են հասցրել Դամասկոսի արվարձաններին: Ի պատասխան՝ սիրիական կառավարական զորքերը կիրառել են ՀՕՊ զենիթահրթիռային համալիրներ:

Այդ պահին Դամասկոսի միջազգային օդանավակայանի շրջանում վայրէջքի էր պատրասվում Airbus-320 օդանավը: Կոնաշենկովը նշել է, որ միայն օդանավակայանի կարգավարների օպերատիվ գործողությունների և օդային երթևեկության կառավարման ավտոմատացված համակարգի արդյունավետ աշխատանքի շնորհիվ է հաջողվել օդանավը հեռացնել խոցման գոտուց և բարեհաջող վայրէջքի տանել «Հմեյմիմ» բազայի մոտակա պահեստային օդանավակայանում:

Գեներալն ընդգծել է, որ ամբողջ աշխարհում ուղևորատար չվերթների շարժումն իրականացվում է հայտնի բարձրություններում, որոնք Իսրայելի ռադիոտեղորոշման միջոցները հստակ տեսնում են: Նա հավելել է, որ իսրայելական ՌՏՄ-ները ոչ պակաս հստակությամբ տեսնում են Դամասկոսի օդանավակայանի շրջանում օդային իրադրությունը: