ԵՐԵՎԱՆ 7 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 25 571,72 դրամ ԱՐԾԱԹ - 227,32 դրամ ՊԼԱՏԻՆ - 11 581,12 դրամ

Արմեն Գրիգորյանի խոսքերից ստացվում է՝ «Մյունխենյան սկզբունքներն» ուղղված են ներքին լսարանին

Երեկ «Ազատությանը» տված հարցազրույցում Հայաստանի Հանրապետության Անվտանգության խորհրդի քարտուղար Արմեն Գրիգորյանն անդրադարձել է Արցախյան հակամարտության շուրջ վերջի զարգացումներին, այդ թվում՝ Նիկոլ Փաշինյանի կողմից հրապարակված, այսպես կոչված, «Մյունխենյան սկզբունքներին»:

Ուշագրավ է ԱԽ քարտուղարի այն դիտարկումը, որ այս սկզբունքները ոչ թե Ադրբեջանի, այլ մեր համար են, և հավելումը, որ նախկինում էլ իշխանւթյան կողմից հրապարկվող սկզբունքներն ու հայտարարությունները քննադատության էին արժանանում, բայց հետագայում աստիճանաբար օրակարգի մաս էին դառնում: Այսինքն, ԱԽ քարտուղարի տրամաբանությամբ ստացվում է, որ «Մյունխենյան սկզբունքներն» ուղղված են ներքին լսարանին և նպատակ են հետապնդում իշխանության մոտեցումը, կամ բանակցային առկա իրավիճակը Հայաստանի և Արցախի հանրությանը «մարսեցնելուն»:

Այս համատեքտսում էլ ավելի մտահոգիչ  է դառնում այս սկզբունքների բովանդակությունը: Ստացվում է իշխանությունը փորձում է հանրությանը «մարսեցնել» ինքնորոշման իրավունքը շեշտադրելուց և կարևորելուց հրաժարվելը: Ավելին, շարունակելով պնդել, որ հակամարտության կարգավորումը պետք է ընդունելի լինի Հայաստանի, Արցախի և Ադրբեջանի ժողովուրդների համար, փորձում է «մարսեցնել» այն ընկալումը, որ ինքնորոշման իրավունքի իրացումը պետք է կախման մեջ դրվի Ադրբեջանի կամքից: Հարց է առաջանում. ո՞ւմ շահերով է առաջնորդվում Հայաստանի վարչապետը՝ այս թեզերն ու մոտեցումները Հայաստանի և Արցախի հանարությանն ընկալելի դարձնելու իր ձգտումով:

Արմեն Գրիգորյանը հարցազրույցում նաև պնդում է, որ Հայաստանի իշխանությունը հաջողություն է արձանագրում միջնորդների՝ ԵԱՀԿ ՄԽ համանախագահների հետ երկխոսության մեջ: Երևի այդ «հաջողության ցուցիչ» է նաև ԵԱՀԿ ՄԽ բոլոր համանախագահող երկրների կողմից տարբեր մակարդակներով, այսպես կոչված, «ԼՂ ադրբեջանական համայնքի» լեգիտիմացումն: Կամ օրինակ՝ Արցախի հետ արդեն իսկ առկա գործըկերային կապերից հետ քայլը՝ ի դեմս դատարաններում քույր-քաղաքության վերաբերյալ համաձայնագրերի վիճարկման:

ԱԽ քարտուղարը զարմանում է այն քննադատությունից, որ Հայաստանի վարչապետը չունի հստակ ռազմավարություն Արցախյան հակամարտության բանակցային գործընթացում և պնդում է, որ Հայաստանի և Արցախի Անվտանգության խորհուրդների համատեղ նիստերի ընթացքում Նիկոլ Փաշինյանի ելույթներում ամփոփված է այդ ռազմավարությունը: Մի հարց է, թե որքանով կարելի է այդ ելույթների բովանադակությունն ամբողջական և ամփոփ ռազմավարություն համարել, և մեկ այլ հարց՝ ռազմավարության Փաշինյանի ընկալումը: Հիշեցնենք պարզապես, որ 2019թ նոյեմբերի 3-ին ուղիղ եթերում վարչապետ Փաշինյանը հայտարարել էր. «Հիմա շատ կարևոր է արձանագրել, թե որն է ընդհանրապես մեր ռազմավարությունը Ղարաբաղի հարցում: Ես մի քանի անգամ այս առիթով ասել եմ, որ բացառվում են դավադրությունները Ղարաբաղի հարցում, որովհետև Ղարաբաղի հարցն իմ հարցը չէ, Ղարաբաղի հարցը խմբի հարց չէ, Ղարաբաղի հարցը համազգային հարց է: Բանակցությունները վարվում են հետևյալ տրամաբանությամբ. ես ասել եմ, որ Ղարաբաղի հարցի որևէ լուծում պետք է ընդունելի լինի Հայաստանի ժողովրդի համար, Ղարաբաղի ժողովրդի համար, Ադրբեջանի ժողովրդի համար, և իմ հիմնական խնդիրն է՝ բանակցային սեղանի շուրջ փնտրել և գտնել Հայաստանի ժողովրդի համար, հայ ժողովրդի համար ընդունելի լուծում»:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 72%
Քամի՝ 6 կմ/ժ
7 C°
 
  14° 
03.04.2020
  12° 
04.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: