ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 885,82 դրամ ԱՐԾԱԹ - 284,72 դրամ ՊԼԱՏԻՆ - 12 898,69 դրամ

Թել Ավիվում Հայաստանի դեսպանության բացումը «հակասում է պաղեստինյան ժողովրդի շահերին». իրանցի պաշտոնյա

Թել Ավիվում Հայաստանի դեսպանության բացումը հակասում է պաղեստինյան ժողովրդի շահերին։ Այս մասին հայտարարել է իրանական խորհրդարանի խոսնակի միջազգային հարցերով հատուկ օգնական Հուսեյն Ամիր Աբդոլահյանը, News.am-ի փոխանցմամբ հաղրդում է Mehr գործակալությունը։

Նա դատապարտել է իր դեսպանությունը Թել Ավիվում բացելու Հայաստանի կառավարության որոշումը և այդ քայլն անվանել է «պաղեստինյան ժողովրդի շահերին հակասող»։ Նա Երևանի այդ որոշումն անվանել է «անսպասելի» և հավելել է․ «Անկասկած, այդ քայլը հակասում է պաղեստինյան ժողովրդի շահերին և բացասական ազդեցություն կունենա տարածաշրջանի կայունության և անվտանգության վրա»։

Նա հղում է կատարել իսլամական երկրների դիրքորոշումներին և պաղեստինյան ժողովրդի իրավունքների իրականացման անհրաժեշտությանը և վճռականորեն դատապարտել է արաբական ու ոչ արաբական երկրների միջև կապերի նորմալացումը «ռասիստական իսրայելական ռեժիմի հետ»։

Նրա խոսքերով՝ Թեհրանի և Երևանի միջև բարեկամական հարաբերությունները տարածաշրջանում կայունության և անվտանգության կարևոր գործոն են հանդիսանում։ «Հույս կա, որ Հայաստանի կառավարությունը կվերանայի իր որոշումը և ճնշման ենթարկված պաղեստինյան ժողովրդին օգնություն ցուցաբերելու անհրաժեշտ միջոցներ կձեռնարկի»,- ասել է նա։

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 68%
Քամի՝ 7 կմ/ժ
20 C°
 
18°  27° 
11.07.2020
18°  28° 
12.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: