ԵՐԵՎԱՆ 21 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28,357.07 դրամ ԱՐԾԱԹ - 294.74 դրամ ՊԼԱՏԻՆ - 13,395.31 դրամ

Փաշինյան-Ալիև առցանց հանդիպման ծրագիր դեռևս չկա. արտգործնախարար

«Թուրքիայի հետ հարաբերություններում դժբախտաբար մենք ունենք իրավիճակ, որի արդյունքում առնչվում ենք անվտանգային լուրջ մարտահրավերների»,- խորհրդարանում լրագրողների հետ զրույցում ասաց ՀՀ արտգործնախարար Զոհրաբ Մնացականյանը, հայտնում է Panorama.am։

Նրա խոսքով, թե ինչ գործիքներով պետք է քաղաքականություն իրականացնել, կախված է իրավիճակից, բայց ներկայիս հիմնական խնդիրը ընդհանուր միջավայրն է, որտեղ մենք ունենք լուրջ անվտանգային մարտահրավեր։

Հարցին, թե առաջիկայում նախատեսվո՞ւմ է Փաշինյան-Ալիև հանդիպում, Զոհրաբ Մնացականյանը պատասխանեց՝ այս պահին առաջին հերթին պետք է սպասել համավարակից բխող փուլի ավարտին։

Նա տեղեկացրեց, որ երկրների առաջին դեմքերի մակարդակով առցանց հանդիպման ծրագիր դեռևս չկա։

«Մենք նպատակ ունենք վերադառնալ կանոնավոր աշխատանքների, և շարունակենք գործել, ինչպես և նախատեսել էինք հունվարի վերջին, Ժնևում»,- ընգդծեց ՀՀ արտգործնախարարը։

Հարցին, թե ԱԳՆ-ում ինչպիսի՞ իրավիճակ է՝ կապված կորոնավիրուսային հիվանդության հետ, Զ. Մնացականյանը պատասխանեց՝ շատ վաղ շրջանում կողմնորոշվեցին, թե ինչպես կարող են արագ վերակառուցել մեր ներկայությունը նախարարությունում՝ նվազեցնելով գերատեսչությունում մարդկանց քանակը և անցնելով առցանց աշխատանքի։

«Առաջին շրջանում ամենամեծ խնդիրը կապված էր քաղաքացիների տարհանման և վերադարձի հարցերի հետ։ Եվ հիմա ինչ-որ չափով ավելի է վերականգնվում բնականոն աշխատանքի անցման փուլը։ Այստեղ մեզ համար ամենամեծ խնդիրն է՝ ինչպես ապահովել բնականոն աշխատանքը և պահպանել ռեսուրսները։ Մինչ օրս դա կարողացել ենք անել։ Այսօրվա դրությամբ ունենք 2 մեկուսացված և մի քանի ինքնամեկուսացված աշխատակից»,- տեղեկացրեց նա։


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 63%
Քամի՝ 5 կմ/ժ
21 C°
 
18°  31° 
15.07.2020
19°  32° 
16.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: