ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արցախում ամառային ամիսներին խմելու ջրի խնդրի ռիսկը մեծ է․ Արցախի նախագահը խորհրդակցություն է հրավիրել

Արցախի Հանրապետության նախագահ Արայիկ Հարությունյանը հունիսի 11-ին հրավիրել է աշխատանքային խորհրդակցություն՝ նվիրված հանրապետությունում խմելու ջրի խնդրին:
Խորհրդակցությանը մասնակցում էին տարածքային կառավարման ու զարգացման նախարար Ժիրայր Միրզոյանը, արտակարգ իրավիճակների պետական ծառայության տնօրեն Կարեն Սարգսյանը, Ստեփանակերտի քաղաքապետ Դավիթ Սարգսյանը և շրջանային վարչակազմերի ղեկավարները:

Արայիկ Հարությունյանը ներկաների ուշադրությունն է հրավիրել մասնագետների այն մտահոգությունների վրա, որ հանրապետությունում այս տարի արձանագրվել են նորմայից շատ ցածր տեղումներ, ինչի հետևանքով մեծ է ռիսկը, որ բազմաթիվ բնակավայրերում ամառային շոգ ամիսներին խմելու ջրի խնդիր է առաջանալու: Խորհրդակցության ընթացքում քննարկվել են այլընտրանքային տարբեր միջոցներ բնակչությանը խմելու ջրով ապահովելու համար:

Հանրապետության նախագահը հանձնարարել է կառավարությանը՝ ներկայացնել այդ ուղղությամբ կատարվելիք աշխատանքների բոլոր ծախսային միջոցները:

Խորհրդակցության ընթացքում անդրադարձ է եղել նաև ներհամայնքային ճանապարհների սալապատման աշխատանքների ակտիվացման, սոցիալական տարբեր խմբերի համար բնակարանաշինության, կապիտալ շինարարության և այլ ծրագրերի:

In English На русском

Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 41%
    Քամի՝ 2,06 կմ/ժ
    13 C°
     
    27°  16° 
    19.04.2024
    27°  16° 
    20.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: