ԵՐԵՎԱՆ 21 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 29 746,21 դրամ ԱՐԾԱԹ - 379,24 դրամ ՊԼԱՏԻՆ - 13 702,61 դրամ

ԱՄՆ-ն աշխարհում առաջին անգամ կանցկացնի անօդաչու և անանձնակազմ սարքերի մասնակցությամբ զորավարժություններ

2021 թվականի սկզբին Միացյալ Նահանգները պատրաստվում է զորավարժություններ անցկացնել, որոնք կներառեն անօդաչու և անանձնակազմ սարքեր: Սա աշխարհում առաջին նման վարժանքն է, հաղորդում է BBC-ն:

Զորավարժությունները կկոչվեն «Նավատորմի ուսումնառազմական առաջադրանք» (Fleet Battle Problem): Դրանք կներառեն անօդաչու և անանձնակազմ տրանսպորտային միջոցներ՝ օդում, ջրի վրա և ջրի տակ:

Այս ծրագրերի մասին Անօդաչու համակարգերի միջազգային ասոցիացիայի (AUVSI) տարեկան համաժողովում խոսել է ԱՄՆ Խաղաղօվկիանոսյան նավատորմի ռազմածովային շտաբի պետ, ծովակալ Ռոբերտ Գոշեն:

Այս սարքերն արդեն գտնվում են ԱՄՆ Խաղաղօվկիանոսյան նավատորմում: Խոսքը նորագույն վերջրյա և ստորջրյա նավերի և օդային դրոնների մասին է։

Գոշեի խոսքերով՝ թեև անօդաչուների օգտագործմամբ մարտական գործողությունների առանձնահատկությունները դեռ մշակվում են, Ռազմածովային ուժերը առավելագույն ուշադրություն են դարձնում այդպիսի մեքենաներին բոլոր միջավայրերում: «Մենք դեռ չենք մշակել բոլոր մանրամասները: Ես գիտեմ, որ հրամանատարության և վերահսկման գործոնը այնտեղ կարևոր կլինի, երբ նայենք, թե որ հրամանատարության և կառավարման սխեման է ավելի լավ գործում»,- Գոշեի խոսքերն է մեջբերում Sea Power Magazine-ը: Ըստ նրա՝ զորավարժությունների ընթացքում զինվորականները կփորձեն պարզել, թե որքանով կարող են ինքնավար լինել այդ սարքերը, ինչպես դրանք ավելի լավ կարելի է վերահսկել ափից կամ ծովից:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 45%
Քամի՝ 8 կմ/ժ
21 C°
 
16°  27° 
27.09.2020
15°  27° 
28.09.2020
Հարցում

Բավարարվա՞ծ եք Ամուլսարի հարցում Հայաստանի իշխանությունների դիրքորոշումից: