ՀԲ-ն բացասական կանխատեսումներ ունի Թուրքիայի և Ադրբեջանի տնտեսությունների վերաբերյալ. Արցախում հրահրված պատերազմը լրացուցիչ բացասական ազդակ կհանդիսանա
Համաշխարհային բանկը ներկայացրել է Եվրոպա և Կենտրոնական Ասիա տարածաշրջանի տնտեսական զարգացումների զեկույցը, համաձայն որի` այս տարի մեր տարածաշրջանի երկրների տնտեսությունները 4,4 տոկոս անկում կգրանցեն:
Հայաստանի տնտեսական անկումը կկազմի 6.3 տոկոս, աղքատության մակարդակի աճը` 4․8%: Կանխատեսվում է, որ 2021թ.-ին տնտեսության աճը կվերականգնվի մինչև 4.6 տոկոս: Պետք է նշել, որ ՀԲ կանխատեսումները մեծ շեղում չունեն Հայաստանի Կենտրոնական բանկի վերջին կանխատեսումից, համաձայն որի` հայրենական տնտեսության անկումն այս տարի կկազմի 6.2 տոկոս:
ՀԲ-ն վատթարացրել է Ադրբեջանի տնտեսության վերաբերյալ կանխատեսումները` Համախառն ներքին արդյունքի` նախկինում արված 2 տոկոսանոց անկման փոխարեն արձանագրելով 4,2 տոկոս անկման հավանականությունը:
ՀԲ-ն ադրբեջանական ոչ էներգետիկ հատվածում` գյուղատնտեսության ու ծառայությունների ոլորտում դեպրեսիա է կանխատեսում: Գնաճի` 3,3 տոկոսանոց մակարդակ, 7,5 տոկոսանոց բյուջետային դեֆիցիտ, ընդ որում` 2021թ.-ին դեֆիցիտի պահպանման կանխատեսումով:
Զեկույցի համաձայն, որպես համաճարակից շատ տուժած երկիր, Վրաստանի տնտեսական անկումը կկազմի 6 տոկոս: Աղքատության մակարդակը հարևան Վրաստանում կավելանա 2.8 տոկոսով: Նշվում է, որ երկիրը մեծ խնդիրների առաջ է կանգնած նաև դոլարիզացիայի բարձր մակարդակի պատճառով:
Համաշխարհային բանկը, հիմնվելով բազիսային կանխատեսումների վրա, տնտեսական անկում է նախանշել նաև Թուրքիայի համար` 3.8 տոկոս: Զեկույցում նշվում է, որ թուրքական տնտեսության հիմնական հատվածները խիստ զգայուն են կորոնավիրուսի տնտեսական հետևանքների նկատմամբ, ինչը կհանգեցնի զբաղվածության հետագա կրճատման և միայն 2020թ.-ին աղքատ բնակչության 1,2 մլն-ով ավելացման: Նշվում է նաև, որ Թուրքիայի արտադրության ծավալների անկումը կգերազանցի 2019թ.-ի 4 տոկոս անկմանը, որը ռեկորդային էր վերջին 15 տարիների համար:
Հատկանշական է, որ ՀԲ կանխատեսումներում դիտակված չէ թուրք-ադրբեջանական սանձազերծ ագրեսիան Արցախի նկատմամբ, ինչն, անշուշտ, է’լ ավելի վատ իրավիճակի առաջ կկանգնեցնի տարածաշրջանի երկրների տնտեսությունները: Դրանց թվում արդեն իսկ նկատվում են թուրքական տնտեսության ճգնաժամային զարգացումները` կապված լիրայի շարունակական ռեկորդային արժեզրկման հետ: Չնայած, թուրքական արժույթի անկումը վաղուց սկսված գործընթաց է և ամբողջությամբ պայմանավորված չէ Թուրքիայի ռազմական ագրեսիայով, սակայն սեպտեմբերի 27-ից սկսած` թուրք-ադրբեջանական նախաձեռնած պատերազմի արդյունքում, լիրայի անկումները ձգտում են պատմական մինիմումի:
Նույն տրամաբանության ներքո վատագույնը կարելի է սպասել նաև ադրբեջանական տնտեսության պարագայում: Այս երկրի տնտեսությունն առանց այդ էլ զրկված է բյուջետային հիմնական եկամուտներից` կապված նավթի գների անկման հետ: Ռազմական գործողություններ հրահրելով, փաստացի, Ադրբեջանը միառժամանակ կարող է մոռանալ օտարերկրյա ներդրումների մասին, որոնք առանց այդ էլ միայն 2019-ին գրեթե երեք անգամ անկում էին ապրել: Այս օրերին, անկում է ապրում ադրբեջանական նավթի գինը` պատերազմի սանձազերծումից հետո երկու օրվա ընթացքում գրեթե 10 տոկոսով: Արժեզրկվում է նաև ադրբեջանական մանաթը:
Հասկանալի է, որ Հայաստանի տնտեսության կանխատեսումը ևս պատերազմի հետանքով որոշակի բացասական շեղում կտա, սակայն, համեմատության համար նշենք, որ հայկական դրամը հիմնականում կայուն վարքագիծ է դրսևորել պատերազմի սկզբից ի վեր:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 48%
Քամի՝ 2,06 կմ/ժ