ԵՐԵՎԱՆ 29 C°
ՀՀ ԿԲ -
  • USD - 407.52 դրամ +0,52 EUR - 425.9 դրամ +0,9 RUB - 7.41 դրամ +0,41 GBP - 494.73 դրամ +0,73
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ղարաբաղյան հակամարտությունը պետք է կարգավորվի Մինսկի խմբի շրջանակներում. Պոմպեո

mir.net

Մինսկի խումբը պետք է շրջանակ հանդիսանա Լեռնային Ղարաբաղի հակամարտության կարգավորման գործողությունների համար: Այս մասին ԱՄՆ պետքարտուղար Մայք Պոմպեոն երկուշաբթի օրը հայտարարել է Le Figaro թերթի կայքում հրապարակված հարցազրույցում՝ Փարիզում Ֆրանսիայի նախագահ Էմանուել Մակրոնի և արտաքին գործերի նախարար Ժան-Իվ Լե Դրիանի հետ բանակցությունների ավարտին, փոխանցում է ՏԱՍՍ-ը:

«ԱՄՆ-ը, Ֆրանսիայի և Ռուսաստանի հետ միասին, Մինսկի խմբի համանախագահներ են, որոնց հիմնական նպատակը Լեռնային Ղարաբաղի հակամարտության լուծումն է: Հենց այս շրջանակներում էլ պետք է իրավիճակը կարգավորել»,- ասել է Պոմպեոն, փոխանցում է News.am:

Միաժամանակ նա հատկապես նշել է, որ ԱՄՆ-ը «մտահոգված է Թուրքիայի ռազմական ներուժի աճով»: «Մենք այդպիսի մտահոգություն ենք հայտնել ինչպես անձնական հանդիպումների մակարդակում, այնպես էլ հրապարակավ: Եվրոպան և ԱՄՆ-ը պետք է միասին ձգտեն համոզել Էրդողանին, որ նման գործողությունները չեն բխում իր ժողովրդի շահերից»,- ասել է ԱՄՆ պետքարտուղարը:

«Նախագահ Մակրոնի հետ միասին մենք երկար քննարկեցինք Թուրքիայի վերջին գործողությունները և համաձայնության եկանք այն հարցում, որ դրանք շատ ագրեսիվ բնույթ են կրում՝ լինի դա Ադրբեջանին նրա աջակցությունը, թե սիրիական ուժերի տեղակայումը տարածաշրջանում: Մենք քննարկեցինք նաև Թուրքիայի գործողությունները Լիբիայում, որտեղ այս երկիրը նաև նպաստել է երրորդ երկրների կազմավորումների տեղակայմանը: Քննարկվեցին նաև Թուրքիայի գործողությունները արևելյան Միջերկրական ծովում, և այս ցուցակը կարելի է շարունակել»,- ասել է Պոմպեոն:

«ԱՄՆ դիրքորոշումն այն է, որ այդ հակամարտությունների ինտերնացիոնալացումը կործանարար է և վնասում է բոլոր առնչվող երկրներին»,- հավելել է նա: «Հենց այդ պատճառով մենք դիմել ենք բոլոր պետություններին` խնդրելով դադարեցնել միջամտությունը Լիբիայում՝ խոսքը լինի Ռուսաստանի, Թուրքիայի և այլոց մասին: Նույնը վերաբերում է Ադրբեջանում տիրող իրավիճակին»,- պարզաբանել է ԱՄՆ պետքարտուղարը:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 14%
Քամի՝ 3,09 կմ/ժ
29 C°
 
32°  19° 
07.07.2022
33°  20° 
08.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: