ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 29 606,64 դրամ ԱՐԾԱԹ - 453,31 դրամ ՊԼԱՏԻՆ - 20 452,94 դրամ

Իսրայելը չորրորդ ընտրություններն Է նշանակում կոալիցիայի փլուզումից հետո

© EPA-EFE/ABIR SULTAN

Իսրայելի Կնեսետը (խորհրդարան) պաշտոնապես արձակվել է. երկրին մարտի 23-ին սպասվում են նոր ընտրություններ: 23-րդ գումարման Կնեսետը պաշտոնապես արձակվել է վերջին ընտրություններից ինն ամիս անց:

Ավելի վաղ իսրայելական Կնեսետը նախնական հավանություն էր տվել խորհրդարանի արձակման և վաղաժամկետ ընտրությունների անցկացման օրինագծին: Իսրայելի վարչապետ Բենիամին Նաթանյահուն խորհրդարանի արձակման և վաղաժամկետ ընտրությունների անցկացման օրինագծի նախնական ընթերցումից հետո կոչ է արել կոալիցիայի գծով իր գործընկերոջը՝ «Կախոլ-Լավան» կուսակցության առաջնորդ Բենի Հանցին, դադարեցնել այդ նախաձեռնության առաջ տանելը: Հանցն ավելի վաղ նախազգուշացրել էր, որ իր խմբակցությունը պաշտպանելու է Կնեսետի արձակման օրինագիծը:

Նախարարի խոսքով՝ ինքը նման դիրք է զբաղեցրել վարչապետի հետ առաջացած տարաձայնությունների պատճառով: Քաղաքական ճգնաժամն Իսրայելում շարունակվում է 2019 թվականից: Երկրում երեք անգամ ընտրություններ են անցկացվել, և միշտ աջ և ձախ կուսակցությունները խորհրդարանում ստացել են մոտավորապես նույն քանակությամբ տեղեր, ինչը խոչընդոտել է կառավարության ձևավորմանը: 2019 թվականի ապրիլի և սեպտեմբերի ընտրությունների արդյունքներով՝ ո՛չ Հանցին, ո՛չ Նաթանյահուին չի հաջողվել կառավարություն ձևավորել: 2020 թվականի մարտին անցկացված ընտրություններից հետո Հանցը և Նաթանյահուն բանակցություններ են վարել ռոտացիոն կառավարության ձևավորման շուրջ, որոնք հաջողությամբ ավարտվել են ապրիլի վերջին, հաղորդել է «Ինտերֆաքս»-ը:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 64%
Քամի՝ 4 կմ/ժ
2 C°
 
   
03.03.2021
-2°   
04.03.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: