ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 581,55 դրամ ԱՐԾԱԹ - 353,6 դրամ ՊԼԱՏԻՆ - 15 366,29 դրամ

Հայաստանը պետք է զերծ մնա ՌԴ-ԱՄՆ շահերի հակադրումից դիվիդենտներ քաղելու գայթակղությունից

EPA

ԱՄՆ նախագահ Ջո Բայդենը հինգշաբթի օրը Պետդեպարտամենտում հրապարակեց արտաքին քաղաքական իր գերակայությունները:

ԱՄՆ նախագահն իր արտաքին քաղաքականությունը կառուցում է «Ամերիկան վերադարձել է» կարգախոսի ներքո: Նա, մասնավորապես, նշեց, որ  ԱՄՆ միավորելու է աշխարհը դեմոկրատիան պաշտպանելու համար, վերականգնելու է սերտ համագործակցությունն աշխարհի բոլոր ծայրերում իր գործընկերների և դաշնակիցների հետ, իր դերն ու հեղինակությունն աշխարհում և միջազգային կառույցներում:

Այս ամենը նա պատրաստվում է անել դիվանագիտության միջոցով: «Դիվանագիտությունը վերադարձել է»,- հայտարարեց Բայդենը:

Բայդենը Չինաստանին անվանեց իր հիմնական մրցակիցը, հայտարարեց, որ ՌԴ-ի հետ խոսելու է ուժեղի դիրքերից և պահանջեց ազատ արձակել Ալեքսեյ Նավալնիին:  

Իսկ սա նշանակում է, որ Դոնալդ Թրամփի օրոք Չինաստանի հետ սանկցիոն պայքարը կարող է շարունակվել: Աճելու է լարվածությունը նաև Ռուսաստանի հետ հարաբերություններում: Վերականգնվելու է սերտ գործակցությունը Եվրամիության հետ:

Չնայած Ջո Բայդենն առանձին անդրադարձ չկատարեց Հարավային Կովկասին կամ մեր հարևան երկրներին՝ ուղերձը բավական հստակ էր. ԱՄՆ վերադառնալու է նաև այս տարածաշրջան: Դա նշանակում է ԱՄՆ միջնորդական ջանքերի ակտիվացում Արցախյան հակամարտության համատեքստում, Թուրքիայի հետ «մտրակի և բլիթի» քաղաքականություն՝ վերջինիս ամերիկյան ծիր վերադարձնելու համար, ակտիվ երկխոսություն Իրանի հետ:

Հայաստանի համար այս իրավիճակը մի կողմից հնարավորություններ, մյուս կողմից՝ մարտահրավերներ է պարունակում: ԱՄՆ մրցակցելու է ՌԴ-ի հետ՝ ցույց տալու համար, որ կարող է արդյունքի հասնել այն հարցերում, որտեղ ՌԴ-ն կամ հաջողության չի հասել, կամ չի ցանկացել դա անել, օրինակ՝ գերիների վերդարձի հարց, Արցախի կարգավիճակի շուրջ բանակցությունների մեկնարկ և այլն: Հայաստանի կողմից լրացուցիչ ոգևորությունն ու ԱՄՆ հետ ակտիվ բարեկամությունը, ԱՄՆ միջոցով իր հարցերը ՌԴ-ի «մեջքի ետևում» լուծելու փորձերը ՌԴ կոշտ արձագանքին են արժանանալու:

Չի բացառվում նաև, որ Բայդենը զուտ իմիջային խնդիր լուծի Արցախյան հարցում ներգրավման տեսանկյունից՝ չմտնելով ՌԴ հետ լուրջ մրցակցության մեջ, և շեշտը դնի այլ տարածաշրջաններում իր շահերն առաջ մղելու վրա:

Յուրաքանչյուր սցենարի պարագայում Հայաստանի համար միակ ճիշտ քաղաքականությունը զուսպ, հավասարակշռված և թափանցիկ դիվանագիտությունն է, ՌԴ-ԱՄՆ բախումների վրա դիվիդենտներ քաղելու գայթակղությունից զերծ մնալը:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
26.09.2021
17°  30° 
27.09.2021
Հարցում

Կցանկանա՞ք արձակուրդն անցկացնել Արցախում: