Եկամուտների ինդեքսացիան՝ որպես բնակչության եկամուտները բարձր գնաճի բացասական հետևանքներից պաշտպանող մեխանիզմ
Եկամուտների ինդեքսացիան եկամուտների կորստի փոխհատուցումն է, երբ ամբողջապես կամ մասնակիորեն փոխհատուցվում են այս կամ այն պրոցեսից կրած վնասները: Ինդեքսացիան ինֆլյացիայի պայմաններում բնակչության եկամուտների որոշակի բարձրացումն է՝ գրանցված գնաճին համապատասխան:
Եկամուտների ինդեքսացիայի համաշխարհային փորձը ձևավորվել է զարգացող տնտեսություններում Երկրորդ աշխարհամարտից հետո: Նպատակը մի կողմից՝ մարդկանց եկամուտները պաշտպանելն է ինֆլյացիայի բարձր մակարդակից, մյուս կողմից՝ քիչ եկամուտ ունեցողներին աջակցելն սպառողական բարիքների ֆիքսված զամբյուղից կամ առաջին անհրաժեշտության ապրանքներից օգտվելու հարցում: Որպես եկամուտների ինդեքսացիայի ածանցյալ նպատակ կարող ենք նշել նաև բարեկեցության որոշակի շեմի պահպանումը՝ եկամուտների պարբերաբար աճի միջոցով:
Եկամուտների ինդեքսացիան տարբեր երկրներում ունի տարբեր դրսևորումներ՝ կախված բնակչության ընդգրկման ծավալներից: Այդ դրսևորումները կարելի է խմբավորել չորս հիմնական մոտեցումներում. երկրներ, որտեղ ամբողջ հասարակությունն ընդգրկված է ինդեքսավորման գործընթացներում (Բելգիա, Դանիա, Իտալիա, Իսլանդիա), երկրներ, որտեղ իդեքսացիա կիրառվում է որոշակի սոցիալական խմբերի եկամուտների նկատմամբ (Ֆրանսիա, Կանադա, Շվեյցարիա, ԱՄՆ), երկրներ, որտեղ ինդեքսացիա չի կիրառվում (Ավստրիա, Գերմանիա, Ճապոնիա, Շվեդիա), և երկրներ, որտեղ իրականացվող ինդեքսացիան ուղղակի կախվածության մեջ է տիրող իրավիճակից:
Առաջին խմբի երկրներում, որտեղ փաստացի ինդեքսավորման ենթակա են ամբողջ հասարակության եկամուտները, այդ գործառույթը հիմնականում իրականացնում են պետության կողմից սոցիալական պարտավորությունների՝ կոլեկտիվ համաձայնագրերով ամրագրման պայմաններում:
Մասնակի ինդեքսացիա ունեցող երկրներում, ինչպես օրինակ Ֆրանսիայում, գործում են տարատեսակ սահմանափակումներ: Ֆրանսիական օրինակով, օրենքով սահմանված կարգով բարեկեցության մակարդակի որոշակի շեմից վեր եկամտային խմբերում ինդեքսացիա չի կիրառվում:
Պետք է նշել, որ եկամուտների ինդեքսացիայի կիրառման էվոլյուցիայում այդ գործընթացի իրականացման տեսակները շատացել են: Կան երկրներ, որտեղ ինդեքսացիայի համար տարանջատվում են ընդհուպ մինչև առանձին ոլորտներ:
Չորրորդ խմբի երկրների փորձը ցույց է տալիս դեպքեր, երբ կառավարությունները որոշակի ոչ օրինաչափ իրավիճակում երբեմն հրաժարվել են ինդեքսացիայից: Օրինակ, 1960-ականներին Ֆինլանդիայի ազգային արժույթի տևական արժեզրկման արդյունքում արձանագրվեց հրաժարում ինդեքսացիայի գործընթացից: Դրա նախաձեռողներն արհմիություններն էին, և միայն գրեթե մեկ տասնամյակ անց ինդեքսացիան վերադարձավ կոլեկտիվ համաձայնագրեր:
Կա նաև հակառակ փորձը, 1975 թ., երբ գնաճն Ավստրալիայում հասավ ամենաբարձր մակարդակին, ներմուծվեց պարտադիր ինդեքսացիայի ինստիտուտը: Մեկ այլ օրինակ՝ Լեհաստանի փորձը, երբ 90 –ականների կարգավորման ծրագրի առանցքային բաղկացուցիչներից էր ինդեքսացիան:
Ինդեքսացիայի կիրառման էվոլյուցիայի արդյունքում առաջացել են ոչ միայն մասնակի կամ ամբողջական ինդեքսացիայի տեսակները, այլև տարանջատվել են դրա հիմքում դրված սկզբունքները: Բարեկեցության բարձր մակարդակ ունեցող երկրներում, օրինակ, գործընթացի հիմքում ոչ թե գնողունակության բարձրացումն է, այլ կյանքի որակը որոշակի մակարդակում պահելու սկզբունքը: Հասկանալի է, որ այս մոտեցմամբ ինդեքսացիան չի վերաբերում ճգնաժամային իրավիճակներին:
Ինդեքսացիայի միջազգային փորձի ուսումնասիրությունը վկայում է, որ այդ գործընթացի մեւ մոտեցումների ու սկզբունքների տարբերություն կա ոչ միայն տարբեր երկրների մոտ՝ կախված տնտեսական քաղաքականության ձևերից, այլև՝ հնարավոր է նույն երկրներում տարբեր ժամանակահատվածներում, տարբեր խնդիրներից ելնելով:
Բացասական կողմերը
Ինդեքսացիայի գործընթացը պարունակում է որոշակի ռիսկեր: Միջազգային փորձի ուսումնասիրությունն ապացուցել է, որ բարձր ինֆլյացիայի և բնակչության բարեկեցության ցածր մակարդակի պայմաններում եկամուտների ինդեքսացիան կարող է էլ ավելի բարձրացնել ինֆլյացիան:
Մյուս կողմից մասսայական ինդեքսացիան, փաստացի, լրացուցիչ հարկային բեռ է հանդիսանում գործատուի համար:
Երրորդ կարևոր հանգամանքը, ինֆլյացիայի պարագայում ինդեքսացիայի կիրառությունը վկայում է, որ ինֆլյացիան այլևս անկառավարելի է, երկրի դրամավարկային և հարկաբյուջետային քաղաքականությունն այլևս ի զորու չեն իրավիճակ շտկել:
Հակազդող գործողություններ
Ինֆլյացիայի և եկամուտների միջև ուղիղ կապն, անշուշտ, շուկայական պարզագույն կանոններից է բխում: Բայց այս քննադատության հակազդեցությունը բացասական էֆեկտի խիստ ժամկետայնությունն է: Այսինքն եկամուտների աճը, այո, նպաստելու է ինֆլյացիայի լրացուցիչ խթանման, բայց այստեղ գործում է որոշակի ժամանակային լագ, որից հետո ինքնակարգավորման գործընթաց կսկսվի:
Երկրորդ մարտահրավերը՝ հարկային բեռի ավելացումը, միջազգային պրակտիկայում չեզոքացվում է որոշակի հարկային արտոնությունների սահմանմամբ, որոնք կկոմպենսացնեն բիզնեսի համար ավելացած բեռը: Բայց դրանից զատ, այս պարագայում հաճախ պետությունները հրաժարվում են մասսայական ինդեքսացիայից՝ իրականացնելով այն մասնակիորեն:
Ինչ վերաբերում է անկառավարելի ինֆլյացիա ունենալու վկայությանը, ապա իրավիճակը վերահսկողության տակ պահելու համար այս փորձը կիրառող շատ երկրներ պարզապես սահմանում են գնաճի որոշակի շեմ, որի գերազանցումից հետո միայն կարելի է կիրառել եկամուտների ամբողջական կամ մասնակի ինդեքսացիայի գործիքը: Եվ որպես կանոն, այդ շեմը բարձր է լինում տվյալ երկրում գնաճի նպատակադրված մակարդակից:
Եկամուտների ինդեքսացիայի հարցը Հայաստանում
Հայաստանում գործում է աշխատավարձերի նվազագույն շեմի և կենսաթոշակների բարձրացման օրենսդրական գործիքակազմը: Ըստ էության, սա եկամուտների ինդեքսացիայի տրամաբանության ներքո մեզ մոտ առկա միակ մոտեցումն է:
Ինֆլյացիայով պայմանավորված եկամուտների ինդեքսացիա, որպես այդպիսին Հայաստանում չի կիրառվում և չի կիրառվել:
Տարբեր ժամանակահատվածներում այդ հարցը դարձել է արդիական, բայց չունենալով նման օրենսդրական հիմքեր, այդ քայլին Հայաստանը չի դիմել:
Այսօր ևս հարցն ակտուալ է և եկամուտների ավելացման անհրաժեշտության խնդիրը բարձրաձայնվում է, սակայն այս պահին, առնվազն իշխանության կողմից, այդպիսի գործիքակազմի կիրառության ազդակներ չեն նկատվում:
Չկիրառելու կամ այդ ուղղությամբ չմտածելու այլընտրանքը այնպիսի գործողությունների մշակումն ու իրականացումն է, որի արդյունքում պետք է վերականգնվեն տնտեսական աշխուժությունը ու տնտեսական պրոցեսներով պայմանավորված բնակչության եկամուտները:
Մինչդեռ այդպիսիք չեն երևում: Ավելին, հասկանալի չէ, թե արդյո՞ք այս իշխանությունը ցանկություն ունի առերեսվելու իրականությանը:
Մյուս կողմից օբյեկտիվորեն պետք է նշել, որ ինդեքսացիայի գործընթացը խորը վերլուծության անհարժեշտություն ունի, ինչը պահանջում է բարձր ունակություններով կադրեր պետական կառավարման ոլորում: Այս իշխանությունն իր կադրային տկարությունը ցուցադրել է, հետևաբար շատ ավելի ռիսկային կլինի նրանց կողմից այս գործընթացի մեկնարկը:
այլ նյութեր այս թեմայով
- ՀՀ երկարաժամկետ վարկային վարկանիշը S&P Global Ratings–ը բարձրացրել է Այն, ըստ S&P–ի, մի կողմից արտացոլում է Հայաստանի տնտեսական աճի լավ հեռանկարները և բյուջետային ցուցանիշների բարելավումը,...
- Fitch գործակալությունը բարձրացրել է Հայաստանի վարկանիշը Նշվել է, որ վարկանիշի բարձրացումը հենվում է մի շարք կարեւոր գործոնների վրա, որոնց թվում Fitch-ը նշել է կայուն տնտեսական...
- Հայաստանից Wildberries-ում ապրանքների վաճառքը 2023թ-ի առաջին կիսամյակում աճել է 50%-ով Վաճառքի թոփ հնգյակում են սնունդը (163,6 մլն ռուբլի կամ 687.12 մլն դրամ), կոշիկը (135 մլն ռուբլի կամ 567 մլն դրամ), հագուստը...
- Հայաստանից ցորենի և ձեթի արտահանումն արգելվեց 6 ամսով Որոշումն ընդունվել է Հայաստանի պարենային անվտանգության և տնտեսության կայունացման ապահովման համատեքստում։
- Վերաֆինանսավորման տոկոսադրույքը ՀՀ-ում նվազեցվեց ԿԲ սպասումների գործողության վրա ազդող գործոնների, հիմնականան մեսիջների և ձևավորված սպասումների շուրջ «Հայացք»...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 54%
Քամի՝ 1,03 կմ/ժ