ԵՐԵՎԱՆ 20 C°
ՀՀ ԿԲ -
  • USD - 406 դրամ +1 EUR - 397 դրամ +1 RUB - 7 դրամ 0 GBP - 455 դրամ +7
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Սահմանային լարվածության աճն ու հնարավոր զարգացումները

Վերջին օրերին մտահոգիչ լուրեր ենք ստանում սահմանային իրավիճակի հետ կապված, ընդ որում՝ և՛ Արցախից, և՛ ՀՀ սահմանամերձ շրջաններից: Պաշտպանության բանակն այսօր հաղորդագրություն տարածեց այն մասին, որ հակառակորդը տարբեր տրամաչափի հրաձգային զինատեսակներից տարբեր ուղղություներով խախտում է հրադադարի պահպանման ռեժիմը: «Նշված խախտումների առանձնահատկությունը կայանում է նրանում, որ եթե նախկինում թշնամական կողմը հիմնականում կրակում էր դեպի օդ, ապա ներկայումս ավելի հաճախակի են դարձել ՊԲ մարտական դիրքերի և սահմանամերձ խաղաղ բնակավայրերի ուղղությամբ արձակված կրակոցները», - ասված էր հաղորդագրության մեջ:

Երեկ Սյունիքի մարզում հակառակորդի կողմից կրակ բացելու և փոխհրաձգության մասին հայտնեց նաև Կապանի քաղաքապետը՝ նշելով, որ եղել է փոխադարձ հրաձգություն Դիցմայր գյուղի ու Փայլասարի կողմերում:

Լուրերը սահմանային լարվածության մասին իսկապես բավական մտահոգիչ են, հատկապես՝ Բաքվից եկող ազդակների ֆոնին: Հիշեցնենք, որ ընդամենը երկու օր առաջ Ադրբեջանի նախագահը խոսում էր ուժով Սյունիքի միջանցքի հարցը լուծելու հնարավորության և մտադրության մասին, եթե Հայաստանը չհամաձայնի միջանցք տրամադրել: Արդյո՞ք այս ամենը նոր ռազմական բախումների նախերգանք է:

Բնականաբար, գործընթացների վերաբերյալ հնարավորինս ամբողջական պատկերացում կազմելու համար կարևոր է նաև աշխարհաքաղաքական մյուս զարգացումներին հետևելը: Այստեղ առանցքայինն, իհարկե, Ռուսաստանի Դաշնության շուրջ տեղի ունեցող զարգացումներն են և, հատկապես, սրացումներն Ուկրաինայում: Եվ եթե փորձենք այս ամենին գումարել նաև Հայաստանի այսօրվա իշխանությունների անպատասխանատու, արկածախնդիր քաղաքականությունը, չմտածված հայտարարություններն ու թեզերը, պատկերն առավել մտահոգիչ է դառնում: Մենք այսօր կանգնած ենք նոր, լրջագույն մարտահրավերների առաջ և, առավել քան երբևէ, անպատրաստ ենք դիմակայելու այդ մարտահրավերներին:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 30%
Քամի՝ 0,51 կմ/ժ
20 C°
 
29°  17° 
04.10.2022
30°  18° 
05.10.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: