ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 130,9 դրամ ԱՐԾԱԹ - 356,35 դրամ ՊԼԱՏԻՆ - 15 945,36 դրամ

ԱՄՆ-ը հավատարիմ է՝ օգնելու կողմերին բանակցել Լեռնային Ղարաբաղի հակամարտության երկարաժամկետ քաղաքական կարգավորման շուրջ. Բլինքեն

EPA

ԱՄՆ պետքարտուղար Էնթոնի Բլինքենը ուղերձ է հղել Հայաստանի անկախության առիթով, փոխանցում է Panorama.am։

«Ամերիկայի Միացյալ Նահանգների անունից ես լավագույն բարեմաղթանքներն եմ հղում Հայաստանի ժողովրդին, երբ դուք տոնում եք ձեր անկախության 30-ամյակը:

Երեք տասնամյակների ընթացքում, երբ Հայաստանը մերժեց ճնշող կոմունիստական կառավարումը և անկախություն հռչակեց Խորհրդային Միությունից, Միացյալ Նահանգներն ու Հայաստանը զարգացրին ամուր գործընկերություն՝ հիմնված մարդու իրավունքների հարգման, օրենքի գերակայության և ժողովրդավարական ինստիտուտների վրա: Մենք բարձր ենք գնահատում Հայաստանի նվիրվածությունը և՛ այս ընդհանուր արժեքներին, և՛ իր միջազգային պարտավորություններին, որոնք այդպիսի կենսական դեր են խաղում տարածաշրջանում դեպի խաղաղության և կայունության ամրապնդման համար:

Մենք գնահատում ենք այն կարևոր ներդրումները, որ ամերիկահայերն արել են, որոնք հարստացնում են Միացյալ Նահանգների համայնքները և ավելացնում մեր ազգի կենսունակությունը: Այս մշակութային կապերը և մեր ժողովրդական կապերը շարունակում են ամրապնդել մեր ազգերի միջև կապը:

Որպես ԵԱՀԿ Մինսկի խմբի համանախագահ՝ Միացյալ Նահանգները շարունակում է հավատարիմ մնալ՝ օգնելու կողմերին բանակցել Լեռնային Ղարաբաղի հակամարտության երկարաժամկետ քաղաքական կարգավորման շուրջ և հաղթահարել ռազմական գործողությունների հումանիտար հետևանքները՝ ներառյալ բոլոր ձերբակալվածների ազատ արձակումը, անհայտ կորածների և աճյունների ամբողջական և արագ փոխանակումը:

Այս կարևոր օրը մենք շնորհավորում ենք Հայաստանին և սպասում մեր երկկողմ ամուր հարաբերությունների ամրապնդմանը»,-ասվում է ուղերձում:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
24.10.2021
17°  30° 
25.10.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: