ԵՐԵՎԱՆ 14 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ովքե՞ր կընդգրկվեն Թրամփի թիմում. ամենահավանական թեկնածուները

Gingrich, Trump, Giuliani

ԱՄՆ նորընտիր նախագահ Դոնալդ Թրամփը պատրաստվում է հունվարի 20-ին պաշտոնապես ստանձնել իր պաշտոնն ու Սպիտակ տուն տեղափոխվել: Սակայն, մինչ այդ միլիարդատեր նախագահը պետք նոր կառավարություն կամ «կաբինետ» ձևավորի: Հնարավոր նշանակումների մասին դեռևս չի հայտարարվում, սակայն մոտավորապես հայտնի է, թե ովքեր են ամենաառանցքային պաշտոնների հիմնական թեկնածուները։

Պետքարտուղարի կարևորագույն պաշտոնը կարող է զբաղեցնել Նյութոն Գինգրիչը, ով 1998-ին ղեկավարում էր ԱՄՆ Կոնգրեսի ստորին պալատը: 2012-ին Գինգրիչը փորձել էր Հանրապետական կուսակցության կողմից նախագահի թեկնածու առաջադրվել, սակայն անհաջող: Իսկ այս տարի ահա աջակցել է Թրամփին և նույնիսկ համարվում էր փոխնախագահի հնարավոր թեկնածու: 

Դոնալդ Թրամփի ամենաակտիվ և նվիրված կողմնակիցներից մեկին՝ Նյու Յորքի նախկին քաղաքապետ Ռուդի Ջուլիանիին, շատերը տեսնում են ԱՄՆ-ի Գլխավոր դատախազի պաշտոնում: Ջուլիանիին շատերը համարում են օրենքի գերակայության պահպանման համար կոշտ միջոցների կողմնակից:

Ինչպես հայտնում է The Voice of America-ն, Ինդիանայի նահանգապետ, նորընտիր փոխնախագահ Մայքլ Փենսն ապագա վարչակազմի միակ անդամն է, ում անունը հստակ է հայտնի: Փոխնախագահ Փենսն ի պաշտոնե նախագահելու է Միացյալ Նահանգների Սենատը: Ինքն իրեն Մայքլ Փենսը բնորոշում է որպես «առաջին հերթին քրիստոնյա, ապա նաև պահպանողական և վերջապես՝ հանրապետական»: Երիտասարդ տարիներին նա նույնիսկ ցանկացել է հոգևորական դառնալ:

Հանրապետական կուսակցության առաջնորդներից մեկը՝ Ռենս Փրիբուսը, կարող է ղեկավարել Սպիտակ տան նոր աշխատակազմը: Բանն այն է, որ Փրիբուսին հաջողվում է լավ հարաբերություններ պահպանել ինչպես Դոնալդ Թրամփի, այնպես էլ՝ Ներկայացուցիչների պալատի ղեկավար Փոլ Ռայանի հետ, ինչը Փրիբուսին անփոխարինելի է դարձնում:

Ֆինանսների նախարարի պաշտոնի հիմնական թեկնածուն է Դոնալդ Թրամփի նախընտրական թիմի ֆինանսական պատասխանատու Սթիվ Մնուչինը, ով 17 տարի աշխատել է Goldman Sachs-ի ղեկավար կազմում, այնուհետև՝ գեղարվեստական ֆիլմեր արտադրող ընկերություն հիմնադրել, որն էլ արտադրել է այնպիսի հայտնի ֆիլմեր, ինչպիսիք են «Իքս-Մեն», «Ավատար», «Խելագար Մաքսը» և այլն:

Պաշտպանության նախարարությունը կարող է ղեկավարել Ալաբամա նահանգի սենատոր Ջեֆ Սեշոնսը, ով համարվում է Դոնալդ Թրամփին աջակցություն հայտնած առաջին օրենսդիրներից մեկը: Սեշոնսը համարվում է պաշտպանության և ազգային անվտանգության հարցերով Թրամփի հիմնական խորհրդականը: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 30%
    Քամի՝ 0,51 կմ/ժ
    13 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: