Բայդենը հայտնել է, որ իր հրամանով Սիրիայում սպանվել է ԻՊ առաջնորդը

• 03.02.2022, 20:40
•  Ամերիկա,  Մերձավոր Արևելք,  Աշխարհ

Drew Angerer/Getty Images

ԱՄՆ զինված ուժերը գործողություն են իրականացրել Սիրիայի հյուսիս-արևմուտքում՝ Իդլիբ նահանգում, որի արդյունքում սպանել են «Իսլամական պետություն» ահաբեկչական խմբավորման առաջնորդին։ Այս մասին ասվում է ԱՄՆ նախագահ Ջո Բայդենի՝ հինգշաբթի Սպիտակ տան մամուլի ծառայության տարածած գրավոր հայտարարության մեջ, փոխանցում է ՏԱՍՍ-ը:

«Անցած գիշեր իմ հրամանով ԱՄՆ զինվորականները հաջողությամբ հակաահաբեկչական գործողություն են իրականացրել Սիրիայի հյուսիս-արևմուտքում՝ ամերիկացիներին և մեր դաշնակիցներին պաշտպանելու, ինչպես նաև աշխարհում անվտանգությունն ամրապնդելու համար»,- ասվում է փաստաթղթում։ 

Նրանում նշվում է նաև, որ գործողության արդյունքում սպանվել է ԻՊ-ի առաջնորդ Աբու Իբրահիմ ալ Հաշիմի ալ Քուրեյշին, որը խմբավորման առաջնորդ է դարձել 2019-ի 31-ին։