ԵՐԵՎԱՆ 5 C°
ՀՀ ԿԲ -
  • USD - 395 դրամ -0,2 EUR - 416 դրամ -0,07 RUB - 6 դրամ -0,39 GBP - 485 դրամ -0,11
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ինչպես աշխատանք գտնել ԵԱՏՄ երկրներում. Տիգրան Սարգսյանը նոր նախագիծ է ներկայացրել

 

Եվրասիական տնտեսական միության երկրների բնակիչներն ավելի հեշտությամբ կկարողանան աշխատանք գնել «Աշխատանք ԵԱՏՄ»–ում նոր հավելվածի օգնությամբ։ ԵԱՏՄ միջկառավարական խորհրդի ընդլայնված նիստում այս մասին հայտարարեց Եվրասիական զարգացման բանկի խորհրդի նախագահի տեղակալ, բանկի թվային նախաձեռնությունների հիմնադրամի ղեկավար Տիգրան Սարգսյանը, փոխանցում է Sputnik Արմենիան:
Հավելվածում պետական և կոմերցիոն ծառայությունների մեծ ցանկ կա ներկայացված։ Սահմանային վերահսկողություն իրականացնող մարմինները կկարողանան ստուգել մուտքի սահմանափակումները, օտարերկրյա քաղաքացիների հարկ վճարողի հաշվառման համարի (ՀՎՀՀ) և ՌԴ կենսաթոշակային հիմնադրամում ապահովագրական ստաժի առկայությունը։ Հավելվածի միջոցով հնարավոր կլինի ստուգել կրթությանը վերաբերող փաստաթղթերը։
Քաղաքացիները կկարողանան դիմում ներկայացնել Ռուսաստանում աշխատանքի տեղավորման արտոնագրերի համար (այդ թվում` Տաջիկստանի և Ուզբեկստանի քաղաքացիները), ինչպես նաև թափուր աշխատատեղեր փնտրել, Անհատական ​​անձնական հաշվի ապահովագրություն և ՀՎՀՀ ստանալու համար դիմում ներկայացնել որպես ինքնազբաղված անձ գրանցվելու համար։ Որպես ֆիքսված կանխավճարային վճար հնարավոր կլինի վճարել նաև ֆիզանձանց եկամուտների հարկը։
Հավելվածում հասանելի կլինի նաև թափուր աշխատատեղերի ուղեցույցը, ինչպես նաև օրինական զբաղվածության և միգրացիայի նորմատիվային փաստաթղթերի ցանկը։
Հարթակում հնարավոր կլինի կամավոր բժշկական ապահովագրություն ձևակերպել, բնակելի և կոմերցիոն անշարժ գույք փնտրել և վարձակալել, ինքնաթիռի և գնացքի տոմս, հեռախոսի քարտ ձեռք բերել։ Առաջիկա շաբաթների ընթացքում հասանելի կլինեն փաստաթղթերի նոտարական թարգմանության, բանկային քարտի և միջազգային դրամական փոխանցումների ձևակերպման ծառայությունները։
Տիգրան Սարգսյանը նշել է, որ այս համակարգին տարբեր երկրներ հեշտությամբ կարող են պետական և կոմերցիոն նոր ծառայություններ միացնել։
Ըստ նրա` նախատեսվում է ավելացնել նաև մի շարք ծառայություններ` հաշվի առնելով հեռահար աշխատանքը, որին անցում են կատարում ոչ միայն առանձին մասնագետներ, այլև ավելի մեծ թվով կազմակերպություններ։
Այս հարցում կարևոր է կարգավորել էլեկտրոնային թվային ստորագրությունների փոխադարձ ճանաչումը, անդրսահմանային նույնականացումը (պայմանադիր կողմի հուսալիությունը ստուգելու համար), ինչպես նաև սմարթ–պայմանագրերի համակարգը, այսինքն` այն ամենը, ինչը կօգնի հեռավորության վրա պայմանագրեր կնքել ԵԱՏՄ տարբեր հանրապետություններում։ Հեռանկարում, ըստ Սարգսյանի, կարելի է ավելացնել բանկային ու ապահովագրական հեռահար ծառայությունները։
«Այս ամենը կարող է հեղաշրջել ԵԱՏՄ միասնական աշխատաշուկան», – նշել է նա։
Սարգսյանը հավելել է, որ այս նախագծերը հատկապես արդիական են` հաշվի առնելով այն, որ գրավիչ է դառնում ոչ միայն Ռուսաստանի աշխատաշուկան, այլև ԵԱՏՄ մյուս երկրների։
ՌԴ կառավարության առաջարկած մոդելով ստեղծված հավելվածը դրական գնահատականի է արժանացել Հայաստանի և Ղրղզստանի կառավարությունների կողմից, քննարկումներ են ընթանում Բելառուսի և Ղազախստանի հետ։
Եվրասիական միջկառավարական խորհրդի ընդլայնված նիստն անցկացվում է այսօր Մինսկում։

 

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 70%
Քամի՝ 0,51 կմ/ժ
5 C°
 
   
05.12.2022
   
06.12.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։