ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ադրբեջանին Արցախը պետք է առանց հայերի. Պրահայում հանդիպումների արդյունքները

Մինչ Հայաստանի իշխանությունը պնդում է, որ Արցախն ու Ադրբեջանը պետք է առանձին երկխոսություն հաստատեն, Ալիևը երկու օրում արդեն երկու անգամ հայտարարեց, որ դա իր ներքին գործն է: Այս մասին ֆեյսբուքյան իր էջում գրել է «Հայացք» վելուծական կենտրոնի տնօրեն Աննա Կարապետյանը։

«Հայտարարությունում ոչ մի խոսք չկա ՀՀ տարածքից ադրբեջանական զորքերի դուրսբերման մասին։ Փոխարենը, շեշտը դրվում է դելիմիտացիայի և դեմարկացիայի գործընթացի վրա։

 Ադրբեջանը չի ցանկանում ՌԴ շահերին հակասող քայլերի հեղինակ դառնալ` ի տարբերություն Փաշինյանի: Այստեղից էլ ծնվել է հետևյալ ձևակերպումը` «Հայաստանն իր համաձայնությունը հայտնեց՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա»: Ավելին, Ալիևը հայտարարում է, որ կոմունիկացիաների խնդիրը խաղաղության պայմանագրի մաս չէ։

 Մինչ Հայաստանի իշխանությունը պնդում է, որ Արցախն ու Ադրբեջանը պետք է առանձին երկխոսություն հաստատեն, Ալիևը երկու օրում արդեն երկու անգամ հայտարարեց, որ դա իր ներքին գործն է: Ավելին, արդեն հայտարարեց, որ ԴԵՌ ԼՂ-ում ապրող հայերը պետք է ինտեգրվեն ադրբեջանական հասարակությանը, իսկ եթե չեն ցանկանում, կարող են տեղափոխվել այլ տեղ ապրել: Այլ կերպ ասած` Ադրբեջանին Արցախը պետք է առանց հայերի:

 Եվս մեկ դիտարկում` Ալիևը արդեն խոսում է 5 սկզբունքների նախաստորագրման մասին: Այլ կերպ ասած` ցանկանում է օր առաջ թղթի վրա ամրագրել, որ Հայաստանը Արցախը ճանաչում է Ադրբեջանի մաս, որպեսզի անկանխատեսելի զարգացումները չզրկեն իրեն այդ պատմական հնարավորությունից:

 Ուշագրավ է նաև, թե ինչ միջոցառման շրջանակներում էին տեղի ունենում այս հանդիպումները։ Այսօր այս նոր ձևաչափը՝ Եվրոպական քաղաքական համայնքը, ստեղծելով, Արևմուտքը հերթական քաղաքական քայլն է անում` ցույց տալու Արևմուտքի և նրան հարող երկրների միասնական հակառուսականությունը, քաղաքական այդ օրակարգի շուրջ կոնսոլիդացիան»,- գրել է նա:

 

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: