ԵՐԵՎԱՆ 28 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Զախարովան ակնարկում է, որ Հայաստանը ռուսական միջնորդության ներքո գործընթացը շարունակելու որևէ ակտիվություն չի ցուցաբերում. Կ. Բեքարյան

Panorama.am

Մարտի 9-ին ՌԴ ԱԳՆ ներկայացուցիչ Մարիա Զախարովան բրիֆինգի ժամանակ, մեկնաբանելով Ադրբեջանի ռազմատենչ հռետորաբանությունն ու Արցախի շրջափակումը շարունակելու մտադրությունը, հայտարարել է. «Կողմերից յուրաքանչյուրի ռազմատենչ հռետորաբանությունը հակակառուցողական է: Այն չի նպաստում խաղաղ օրակարգի առաջ մղմանը: Ելնում ենք նրանից, որ Բաքուն և Երևանը պետք է անվերապահ կատարեն ամենաբարձր մակարդակով ձեռք բերված եռակողմ պայմանավորվածությունները, այդ թվում՝ վերաբերող Լեռնային Ղարաբաղում անվտանգության ապահովմանն ու Լաչինի միջանցքի օգտագործմանը: Համարում ենք նաև, որ ներկայիս լարվածության դեէսկալացիային կնպաստեր պաշտոնական Երևանի ակտիվ մասնակցությունը փոխադարձ ընդունելի ելքերի որոնմանը»:

 Թեմայի շուրջ Կարեն Բեքարյանի մեկնաբանությունն «Արմեդիա» ՏՎԳ-ին:  

-        Երեկ ՌԴ ԱԳՆ ներկայացուցիչ Մարիա Զախարովան ակնարկել է, որ ներկայիս իրավիճակի դեէսկալացիային կնպաստեր Հայաստանի ակտիվ ներգրավվումը փոխադարձ ընդունելի ելքերի որոնմանը: Ի՞նչ ազդակներ է պարունակում այս հայտարարությունը: Արցախ-Ադրբեջան երկխոսությունն ունակ չէ՞ լուծել Լաչինի միջանցքի ապաշրջափակման հարցը:

 -        ՌԴ ԱԳՆ ներկայացուցչի ակնարկը չի վերաբերում միայն Լաչինի միջանցքի հետ կապված հարցին, չնայած որ այդ հարցն էլ, փաստացի, չի ստացվում լուծել ո՛չ ուղղակիորեն ՌԴ ջանքերով, որպես նոյեմբերի 10-ի տխրահռչակ հայտարարության ստորագրող կողմ, ո՛չ, այսպես կոչված, Արցախ-Ադրբեջան շփումներում, բայց կրկնեմ՝ Զախարովայի ակնկարկը միայն դրան չի առնչվում:

Սա շատ խորը համեմված է երկու միջնորդությունների մրցակցությամբ՝ Միացյալ Արևմտյան և ռուսաստանյան, և ակնարկն առավելապես վերաբերում է նրան, որ Հայաստանը ռուսական միջնորդության ներքո գործընթացը շարունակելու որևէ ակտիվություն չի ցուցաբերում՝ դրանից բխող բոլոր հետևանքներով:

Ակնարկը շատ ավելի լայն համատեքստ ունի, և այդտեղ Լաչինի միջանցքն ուղղակի ենթակետերից մեկն է:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 30%
    Քամի՝ 6,69 կմ/ժ
    28 C°
     
    32°  19° 
    26.06.2024
    29°  16° 
    27.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: