ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եվրոպական ղեկավարները Քեմերոնի հաղթանակի մասին

Եվրոպական Միության բարձրաստիճան պաշտոնյաներն ու անդամ-երկրների առաջին դեմքերն արդեն շնորհավորել են Մեծ Բրիտանիայի վարչապետ Դևիդ Քեմերոնին` վերընտրվելու կապակցությամբ: Բայց շատերին խուճապի է մատնել Քեմերոնի` վերընտրվելուց հետո հանրաքվե անցկացնելու հայտարարությունը̦ ըստ որի պետք է որոշվի արդյո՞ք ՄԲ-ն մնում է ԵՄ կազմում̦ թե՞՝ ոչ:

Եվրոպական խորհրդի նախագահ Դոնալդ Տուսկը հույս է հայտնել̦ որ Մեծ Բրիտանիան̦ այնուամենայնիվ̦ կմնա ԵՄ կազմում̦ և որ, իր համոզմամբ, ոչ մի երկրի համար ԵՄ սահմաններից դուրս ավելի լավ կյանք չի կարող լինել:

«Բրիտանիան առանցքային դեր է խաղում ընդհանուր եվրոպական սկզբունքների ձևավորման և զարգացման գործում: Անհրաժեշտ է նաև պահպանել մրցակցային տնտեսությունը̦ արդյունավետ ընդհանուր շուկան և ազատ առևտուրը»̦ - նշել է Տուսկը:

Իսկ ահա Եվրոպական հանձնաժողովի նախագահ Ժան-Կլոդ Յունկերը խոստացել է̦ որ կառուցողական կերպով կհամագործակցի նոր կառավարության հետ։ «Ես շատ օբյեկտիվ, ինչպես նաև ընկերասեր ու քաղաքավարի եղանակով եմ պատրատվում քննարկել Մեծ Բրիտանիայի` ԵՄ կազմում մնալ-չմնալու հարցը»̦ - շեշտել է Յունկերը:

Ֆրանսիայի նախագահ Ֆրանսուա Օլանդն, իր հերթին, հեռախոսազրույց է ունեցել Քեմերոնի հետ` շնորհավորելով նրան վերընտրվելու կապակցությամբ և Փարիզ հրավիրել բանակցությունների:

«Մենք կշարունակենք քննարկումները բրիտանացիների հետ պոզիտիվ եղանակով: Ոչ մի դեպքում չի կարելի խառնվել նրանց ներքին գործերին, բայց լսել նրանց ցանկություններն ու միասին քննարկել դրանք` մենք իհարկե պատրաստ ենք»̦ - նշել է Օլանդը:

Բրիտանական խորհրդարանական ընտրությունների վերաբերյալ իր կարծիքն է հայտնել նաև Իտալիայի արտաքին գործերի նախարար Պաուլո Ջենտիլոնին̦ ով, մասնավորապես, ասել է․ «Եվրոպական Միության կազմից Մեծ Բրիտանիայի հեռանալը նախևառաջ հենց իրենց` բրիտանացիների համար աղետի կվերածվեր: Այդ պատճառով ես համոզված եմ̦ որ անկախ հանրաքվեի արդյունքներից̦ պաշտոնական Լոնդոնն ամեն դեպքում ԵՄ կազմում մնալու օգտին հանդես կգա»:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: