ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 309,09 դրամ ԱՐԾԱԹ - 358,73 դրամ ՊԼԱՏԻՆ - 14 810,34 դրամ

Վրաստանը լավատեսորեն սպասում է Ռիգայի գագաթաժողովին

Վրաստանը լավատեսորեն սպասում է կայանալիք «Արևելյան գործընկերության» գագաթաժողովին, չնայած այն հանգամանքին, որ մինչ այժմ մի շարք հարցեր, օրինակ՝ ԵՄ հետ վիզային ռեժիմի ազատականացման հարցը, դեռևս վերջնականապես համաձայնեցված չեն: Այս մասին հայտարարել է Վրաստանի ԱԳ նախարար Թամարա Բերուչաշվիլին, որն աշխատանքային այցով գտնվում է Լատվիայում:

«Տրամադրվածությունը բացասական չէ, կա լուրջ լավատեսություն, որը դրական է՝ չնայած, որ մինչև վերջին պահը ընթանալու է այնպիսի բարդ հարցերի համաձայնեցում, ինչպիսիք են եվրոպական ընտրությունը և եվրոպական հեռանկարը, վիզային ռեժիմի ազատականացումը և հստակ ամսաթվերի ֆիսումը, ինչպես նաև ԵՄ քաղաքական կամքը և Արևելյան գործընկերությունը շարունակելու ԵՄ պատրաստակամությունը»,- վրացի լրագրողներին հայտնել է Բերուչաշվիլին:

Գագաթաժողովի շրջանակներում Վրաստանի արտգործնախարարը կհանդիպի ԵՄ արտաքին գործերի և անվտանգության քաղաքականության հարցերով հանձնակատար Ֆեդերիկա Մոգերինի հետ, ինչպես նաև ելույթ կունենա «Արևելյան գործընկերության» քաղաքացիական հասարակության համաժողովին:

Ինչպես ավելի վաղ հայտնել էր Բերուչաշվիլին, «Արևելյան գործընկերության» կայանալիք գագաթաժողովն ունի հատուկ կարևորություն՝ ԵՄ եհտ Վրաստանի քաղաքական ասոցացման և տնտեսական ինտեգրման հետագա քաղաքականության տեսանկյունից:

Հիշեցնենք, որ մայիսի 21-22-ին Ռիգայում կկայանա ԵՄ «Արևելյան գործընկերության» գագաթաժողովը, որին Վրաստանը ներկայացված կլինի վարչապետ Իրակլի Ղարիբաշվիլիի ղեկավարած պատվիրակությամբ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
03.12.2021
17°  30° 
04.12.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: