ԵՐԵՎԱՆ 9 C°
ՀՀ ԿԲ -
  • USD - 395.05 դրամ -0,24 EUR - 411.29 դրամ -0,05 RUB - 6.53 դրամ -0,02 GBP - 478.17 դրամ -0,53
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Վարսահարդարիչի գյուտարարը հայ է

Այսօր շատերն իրենց կյանքը չեն պատկերացնում առանց վարսահարդարիչի, որն, ի դեպ, ստեղծվել է մոտավորապես 19-րդ դարի վերջին:

Վարսահարդարիչի առաջին մոդելը ստեղծվել է 1890 թվականին Ալեքսանդր Գոդֆուրի կողմից վակումային փոշեծծիչի գաղափարի հիմքի վրա: Գոդֆուրն այդ վարսահարդարիչը ստեղծել էր Ֆրանսիայում իր գեղեցկության սրահում օգտագործելու համար: Ընդ որում, մազերը չորացնելու համար անհրաժեշտ էր նստել այդ սարքի տակ:

Տանն ինքնուրույն օգտագործելու համար նախատեսված վարսահարդարիչի առաջին արտոնագիրը, սակայն, ստացել է հայկական ծագումով ամերիկացի գյուտարար Գաբրիել Կազանչյանը 1911 թվականին: Այդ վարսահարդարիչի դիզայնը բազմակի բարելավվեց 1911-1920թթ. ընթացում: Վերջապես 1920 թվականին ձեռքի վարսահարդարիչը մուտք գործեց շուկա:

Չնայած սարքը հավանության արժանացավ հասարկության շրջանում, այն բավարար հզորություն չուներ վարսերն ամբողջովին չորացնելու համար: Համեմատության համար նշենք, որ ձեռքի առաջին վարսահարդարիչն ունեցել է 100 վտ հազորություն այն դեպքում, երբ մերօրյա վարսահարդարիչների հզորությունը հասնում է 2000 վտ:

Կազանչյանի ստեղծած վարսահարդարիչը աշխատում էր մերօրյա վարսահարդարիչի սկզբունքով՝ տաքացվող մետաղալարերով: Երբ մետաղալարերը տաքանում էին, հատուկ հովհարիչի միջոցով տաքացված օդը դուրս էր մղվում սարքից: Սակայն դա չօգնեց խուսափել էլեկտրահարության բազմաթիվ դեպքերից:

Պետք է նշել, որ առաջին վարսահարդարիչները եղել են նաև բավականին ծանր՝ կշռում էին մոտ1 կգ: Այնուամենայնիվ հենց Կազանչյանի առաջարկած մեխանիզմով են աշխատում մերօրյա վարսահարդարիչները: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 62%
Քամի՝ 1,03 կմ/ժ
9 C°
 
11°   
29.11.2022
10°   
30.11.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։