ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մերկելը չի կատարել իր առաքելությունը. եվրոպական ԶԼՄ-ներ

AP

Գերմանիայի կանցլեր Անգելա Մերկելի այցը Թուրքիա հանգեցրել է միջազգային խոշոր քննարկումների և տարատեսակ արձագանքների համաշխարհային ԶԼՄ-ների կողմից:

Եվրոպական աղբյուրների մեծ մասը պնդում է, որ Մերկելը չի կատարել իր առաքելությունը, որի համար մեկնել էր Անկարա և դատարկաձեռն է վերադարձել Գերմանիա:

«Գերմանիայի առաջնորդը մեկնել էր Թուրքիա, որպեսզի ստիպեր Անկարային կատարել փախստականների հոսքը դեպի Եվրոպա դադարեցնելու իր ստանձնած պարտավորությունները 3 մլրդ եվրոյի դիմաց, ինչի շուրջ ԵՄ-ի հետ պայմանավորվածություն էր ձեռք բերվել դեռևս նոյեմբերին», - մասնավորապես գրում է Politico ամսագիրը, - «փոխարենը սակայն Մերկելն այնտեղ բախվեց նոր բարդությունների և թարմ պահանջների Անկարայի կողմից»:

«Մերկելի և Թուրքիայի վարչապետ Ահմեդ Դավութօղլուի միգրացիոն ճգնաժամով զբաղվելու ջանքերն արդյունք են Հալեպ քաղաքում Սիրիայի նախագահ Բաշար ալ-Ասադի ուժերի վերջին հարձակումների, ինչպես նաև ռուսական ռմբակոծությունների, որը շուրջ 35,000 սիրիացիների անապաստան է թողել թուրքական սահմանին», - բացատրում է իրավիճակը Deutschland կայքը՝ մեջբերելով Մերկելի խոսքերը, - «Մենք ցնցված ենք մարդկային տառապանքներից, որոնք արդյունք են նաև ռուսական կողմի պայթյունների»:

Մերկելը նշել է նաև, որ ռուսական գործունեությունը հակասում է ՄԱԿ-ի բանաձևին, որը ձգտում է կանխել հարձակումներն անմեղ քաղաքացիների վրա:

Թուրքական Hürriyet թերթը ետ չի մնացել գերմանական ԶԼՄ-ներից՝ իր հերթին  մեղադրելով Ռուսաստանին տարածաշրջանի ներկայիս լարվածության մեջ՝ մեջբերելով նախագահ Էրդողանի խոսքերը. «Հանդիպումները կանցլեր Մերկելի հետ վերջին շրջանում հաճախակի են դարձել, ինչը շատ լավ է, քանի որ միասին և ավելի արդյունավետ կերպով կարող ենք լուծել մեզ մտահոգող խնդիրները»:

Ի պատասխան գերմանա-թուրքական բանակցություններին, ռուսական կողմն արտահայտել է իր դժգոհությունն ու զայրույթը:

Ինչպես նշում է ռուսական TASS գործակալությունը, Գերմանիայի կանցլեր Անգելա Մերկելը Թուրքիա կատարած այցի ժամանակ միտումնավոր է քննադատել Ռուսաստանի գործունեությունը Սիրիայում:

«Իհարկե պատահական չէ, որ հենց Անկարայում է Մերկելը մեղադրանքներ հնչեցրել Ռուսաստանի հասցեին. Գերմանիայի կանցլերը շատ լավ հասկանում է, որ թուրք-ռուսական հարաբերություններն այժմ հասել են իրենց առավելագույն լարվածությանը», - հայտարարել է Ալեքսեյ Պուշկովը՝ Ռուսաստանի Պետական ​​Դումայի արտաքին գործերի հանձնաժողովի ղեկավարը՝ հավելելով, որ Գերմանիայի կանցլերը չափազանց կոշտ և ոչ կառուցողական դիրքորոշում է ցուցաբերում Ռուսաստանի հանդեպ:

այլ նյութեր այս թեմայով

այլ նյութեր այս թեմայով

այլ նյութեր այս թեմայով

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: