ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21,594.84 դրամ ԱՐԾԱԹ - 231.47 դրամ ՊԼԱՏԻՆ - 12,619.86 դրամ

Telcell-ն, էլեկտրոնային փող թողարկելով, նոր հնարավորություններ է ընձեռում հայ գործարարներին

Ձեր ուշադրությանն ենք ներկայացնում «Արմեդիա» ՏՎԳ բացառիկ հարցազրույցը Telcell ՓԲԸ բիզնեսի զարգացման վարչության պետ Արթուր Խաչատուրյանի հետ՝ Հայաստանում էլեկտրոնային փող թողարկելու իրավունքի հետ կապված:

-Պարոն Խաչատուրյան, տեղյակ ենք, որ Telcell ընկերությունը ԿԲ-ի կողմից ստացել է էլեկտրոնային փողեր թողարկելու իրավունք: Որքանո՞վ էր ֆինանսատնտեսական ոլորտում զգացվում էլեկտրոնային փողերի ներդրման անհրաժեշտությունը:

Ամբողջ աշխարհում էլ. կոմերցիան հանդիսանում է ֆինանսական շուկայի դինամիկ զարգացող ոլորտ, բացառություն չի կազմում նաև Հայաստանի Հանրապետությունը, որտեղ բավականին շատ քանակով հաճախորդներ վճարումներ են կատարում ինտերնետ միջավայրում: Telcell  ՓԲ ընկերությունը՝ ՀՀ-ի վճարահաշվարկային շուկայի առաջատարը, չէր կարող զերծ մնալ նման դինամիկ զարգացող գործընթացից, ինչով և պայմանավորված էր սեփական էլ. փող թողարկման համակարգ ստեղծելու գաղափարը:

- Ի՞նչ փուլերով է անցել ձեր կազմակերպությունը նման իրավունք ստանալու համար:

Համաձայն ԿԲ-ի կանոնակարգերի, նորմատիվ իրավական ակտերի պահանջների, ներկայացված է եղել փաստաթղթերի փաթեթ, որում նկարագրված են եղել համակարգի կառուցվածքը, դրանում կիրառված անվտանգության չափանիշերը, ինչպես նաև ռիսկերի կանխատեսման և կանխարգելման մեխանիզմները: Համակարգն անցել է նաև ամբողջական թեսթավորում ընկերության շահագրգիռ ստորաբաժանումների կողմից և ՏՏ անվտանգության պատասխանատուի կողմից:

- Ինչպիսի՞ն կլինի ձեր կազմակերպության կողմից թողարկվելիք էլեկտրոնային փողերի կիրառումը: Կա՞ն դրամական կամ գործարքային սահմանափակումներ, ի՞նչ ոլորտներում դրանք կկիրառվեն և ո՞ր իրավաբանական անձիք կարող են օգտվել դրանցից:

Էլեկտրոնային փողի միջոցով հնարավոր կլինի կատարել վճարումներ տարատեսակ ծառայությունների դիմաց, որոնք արդեն իսկ միացված են Telcell համակարգին, վերջիններիս ցանկը կհամալրվի նաև այնպիսի ծառայություններով, որոնք նախատեսված են հատկապես օնլայն միջավայրի համար: Սահմանափակումները կիրառվում են ԿԲ-ի կողմից սահմանված կարգով: Օգտվողները բոլոր այն իրավաբանական անձինք են, որոնք ցանկանում եմ համագործակցել ընկերության հետ:

- Ի՞նչ հնարավորություններ կտա հայ գործարարին էլեկտրոնային փողերի կիրառումը:

Հայ գործարարին հնարավորություն է ընձեռվում իր սեփական բիզնեսն ընդլայնել և տեղափոխել օնլայն հարթակ՝ դրանով իսկ ներգրավելով ավելի մեծ հաճախորդների ցանց:

- Այս նորամուծության հետ կապված, հանրության շրջանում իրազեկման ինչպիսի՞ միջոցառումներ եք պատրաստվում իրականացնել:

Մենք պլանավորում ենք բավականին ակտիվ և զանազան մարքեթինգային քայլեր ձեռնարկել  հաճախորդներին ներգրավելու համար:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 40%
Քամի՝ 11 կմ/ժ
22 C°
 
20°  34° 
17.07.2019
22°  35° 
18.07.2019
Հարցում

Հավանե՞լ եք «Գահերի խաղ»-ի վերջին սերիան: