ԵՐԵՎԱՆ -1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 885,35 դրամ ԱՐԾԱԹ - 276,91 դրամ ՊԼԱՏԻՆ - 15 304,61 դրամ

Գերմանիայի Սահմանադրական դատարանը ստացել է Հայոց ցեղասպանության բանաձևի հետ կապված բողոքը

www.dw.com

Գերմանիայի Դաշնային Սահմանադրական դատարանը ստացել է Հայոց ցեղասպանության բանաձևի հետ կապված բողոքը։ Այդ մասին Panorama.am-ի հարցմանն ի պատասխանի ասել է Գերմանիայի Դաշնային Սահմանադրական դատարանի մամուլի և հասարակայնության հետ կապերի վարչության ղեկավար, մամլո խոսնակ Միխայել Ալլմենդինգերը:

«Դաշնային Սահմանադրական դատարանը ստացել է սահմանադրական բողոք՝ ընդդեմ այսպես կոչված «Հայկական բանաձևի», որն ընդունվել է Բունդեսթագի կողմից 2016թ․-ի հունիսի 2-ին։ Ներկա պահին հավելյալ տեղեկատվություն հասանելի չէ»,-Panorama-ին ասաց Միխայել Ալլմենդինգերը՝ հավելելով, որ անձնական տվյալների պաշտպանությունից ելնելով չի կարող ասել բողոքարկողի անունը։

Մամուլում լուրեր էին տարածվել, որ թուրք իրավաբան Մելիհ Աքքուրթը Գերմանիայի Սահմանադրական դատարան դիմում է ներկայացրել, որով պահանջում է չեղարկել Հայոց ցեղասպանության ճանաչման վերաբերյալ Բունդեսթագի կողմից ընդունված բանաձևը:

Deutsche Welle պարբերականի թուրքալեզու ծառայության փոխանցմամբ` իր այդ քայլը թուրք իրավաբանը բացատրել է այն հանգամանքով, որ ՄԱԿ-ի ընդունած ցեղասպանությունների կանխարգելման և պատժման համաձայնագրի 6-րդ հոդվածը սահմանում է, որ ցեղասպանությունների թեմայով որևէ որոշում կայացնելու իրավասություն կարող են ունենալ միայն դատարանները:

այլ նյութեր այս թեմայով


Եղանակ
Երևան

Խոնավություն՝ 31%
Քամի՝ 5 կմ/ժ
-1 C°
 
-6°   
26.01.2020
-4°   
27.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: