ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 455,97 դրամ ԱՐԾԱԹ - 259,35 դրամ ՊԼԱՏԻՆ - 13 785,72 դրամ

«Հայոց ցեղասպանության ժխտումն անթույլատրելի է». Քիմ Քարդաշյանի հոդվածը New York Times–ում

© AFP. Getty images

Շաբաթ New York Times–ում տպագրվել է Քիմ Քարդաշյանի հոդվածը, որում նա «հարձակվել է» Օսմանյան կայսրությունում Հայոց ցեղասպանությունը ժխտելու մասին թուրքամետ հոդվածի վրա, որը տպագրվել էր Wall Street Journal-ում, հայտնում է style.news.am-ը:

«Հայոց ցեղասպանության ժխտումն անթույլատրելի է»- այսպես է վերնագրված Քիմի հոդվածը:

«Ես ու իմ ընտանիքը քաջ ծանոթ ենք այն հիմարություններին, որը մամուլում գրում են մեր մասին: Բայց երբ ես իմացա, որ Wall Street Journal-ի մի ամբողջ էջ նվիրված է եղել նման հոդվածի, ես չէի կարող անտարբեր մնալ: Այդ ստերը լավ վերնագրեր են ապահովում, իսկ լավ վերնագրերը՝ լավ վաճառք: Այդ հոդվածի համար վճարել ու այն առաջ է մղել համացանցում թուրքական պատֆորմը, որի անունը չեմ ուզում տալ, այն չգովազդելու համար: Նրանք վստահեցնում են, որ այդքան էլ շատ հայեր չեն զոհվել ու որ նման ողբերգություն չի եղել: Եվ ամենակարևորը նրանք վստահեցնում են, որ հայերն իրենք են մեղավոր: Շատ տխուր է, որը Wall Street Journal–ը նման բան է տպագրում, քանի որ նման բան կարող էր միայն փողոցային տաբլոիդը տպագրել: Ամսագիրը վստահեցնում է, որ իրենք այդ հոդվածը գովազդի էջին են տպագրել, իսկ այդ էջի համար ընդունվում է ցանկացած տեղեկություն, նույնիսկ սադրիչ բնույթի: Բայց սեփական էջերին նման հոդված զետեղելը, հոդված մի երկրից, որը ժխտում է Ցեղասպանությունը, անպատասխանատու ու անբարոյական արարք է: Շատ պատմաբաններ վստահ են, որ եթե Թուրքիան ժամանակին պատասխան տար Ցեղասպանության համար, Հոլոքոսթ չէր լինի: Հիտլերը մինչև Լեհաստան ներխուժելը ասել էր. «Ո՞վ է հիմա հիշում հայոց ցեղասպանության մասին»:

Մենք հիշում ենք, մենք պետք է խոսենք այդ մասին, մինչև մեր կառավարությունն էլ ճանաչի այն: Ժխտելով անցյալը՝ մենք ապագան ենք վտանգում՝ ինքներս մեզ լռեցնում ենք փողով ու վախով ու երեխաներին սովորեցնում, որ ճշմարտությունը հարաբերական է: Մենք պետք է պատասխանատվություն ստանձնենք նրա համար, ինչ սովորեցնում ենք մեր երեխաներին: Մենք պետք է հարգենք պատմական ճշմարտությունները, այդպես մենք կպաշտպանենք մեր ապագան»- գրել է Քիմը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 80%
Քամի՝ 4 կմ/ժ
1 C°
 
   
08.12.2019
   
09.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: