ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 430,57 դրամ ԱՐԾԱԹ - 260,32 դրամ ՊԼԱՏԻՆ - 13 799,65 դրամ

Արցախում տոնում են գյուղատնտեսի օրը

Ստեփանակերտի Վերածննդի հրապարակն այսօր ծածկվել էր սպիտակով: Խոսքն այն տաղավարների մասին է, որոնք խնամքով շարվել ու արցախյան բերքն ու բարիքն էին ցուցադրում: Ավանդույթի համաձայն, Արցախում գյուղատնտեսի օրը նշանավորվում է նաև բերքի տոնով, որն անցնում է մեծ հանդիսավորությամբ: 

Հերթական տարում այդ առումով ոչինչ չի փոխվել, միայն ինչպես նշում են կազմակերպիչները, մասնակիցների ու տաղավարների թիվն է մեծացել: Սեփական այգում, դաշտում ու պարտեզում աճեցրած պտուղ բանջարեղեններն արցախցիները ոչ միայն վաճառում էին շուկայականից ցածր գներով, այլ նաև հյուրասիրում անցորդներին:

Բերքի տոնին ներկա է գտնվել նաև Արցախի Հանրապետության նախագահ՝ Բակո Սահակյանը: Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանն օրհնության կարգ է կատարել՝ գոհունակություն հայտնելով բարձրյալին տարվա հաջող բերքի համար:

Տոնավաճառը լեփ-լեցուն էր մարդկանցով, մեծ խանդավառությամբ արցախյան արևահամ բարիքները ճաշակում էին ոչ միայն սփյուռքից ժամանած հյուրերն, այլ նաև օտարերկրյա բազում զբոսաշրջիկներ:  

2016թ-ը առատաձեռն էր գյուղատնտեսությամբ զբաղվողների համար. տաղավարների սեղանները ճկված էին զանազան բարիքներով՝ ուտեստներով, բանջարեղեններով, մրգերով, մսամթերքներով, պահածոներով, խմիչքներով ու քաղցրավենիքներով: Հրապարակում կազմակերպված տոնավաճառ-ցուցահանդեսին ներկայացված էին նաև Արցախում արտադրական գործունեություն ծավալող գրեթե բոլոր ընկերությունները: Եվ որ ամենակարևորն է, ամենուր իշխում էր բարձր տրամադրություն, որին նպաստում էին Արցախում գործող մշակութային համույթները:

 

Գևորգյան Նոննա

ԱրՊՀ, լրագրություն 4-րդ կուրս

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 72%
Քամի՝ 4 կմ/ժ
0 C°
 
   
14.12.2019
   
15.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: