ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 899,1 դրամ ԱՐԾԱԹ - 282,75 դրամ ՊԼԱՏԻՆ - 15 164 դրամ

Քաղաքական ճգնաժամ Գերմանիայում. Մերկելը հեռանո՞ւմ է

weblogs.nos.nl

Գերմանիայի կանցլեր Անգելա Մերկելը չեղարկել Նիդեռլանդների վարչապետի հետ նոյեմբերի 20-ին նախատեսված հանդիպումը, հայտնում է գերմանական կառավարության մամուլի ծառայունը: Չնայած հանդիպման չեղարկման պատճառները չեն նշվում, սակայն փորձագիտական շրջանակներում համոզված են, որ դա պայմանավորված է երկրում հասունացող քաղաքական ճգնաժամի հետ:

Ավելի վաղ հայտնի էր դարձել, որ Գերմանիայի Ազատ դեմոկրատական կուսակցությունը դուրս է եկել Անգելա Մերեկելի Քրիստոնեա-դեմոկրատական միություն/Քրիստոնեա-սոցիալական միություն դաշինքի և Կանաչների կուսակցության հետ խորհրդարանական կոալիցիա ձևավորելու բանակցություններից: Ազատ դեմոկրատական կուսակցության առաջնորդ Կրիստիան Լինդները հայտարարել է, որ բանակցություններին մասնակցող կողմերը չէին վստահում միմյանց ու տարակարծիք էին մի շարք հարցերում: Գերմանական ԶԼՄ-ների հաղորդմամբ՝ վիճելի են մնացել մասնավորապես փախստականների ընտանիքների վերամիավորման, ժամանող ներգաղթյալների սահմանաչափի և կլիմայի վերաբերյալ հարցերը։

Մերկելի դաշինքի հետ կոալիցայի կազմելուց այնուհետև հրաժարվեց նաև Կանաչների կուսակցությունը, իսկ ընդդիմադիր Սոցիալ-դեմոկրատական կուսակցությունը, որը նախորդ գումարման խորհրդարանում Մերկելի դաշինքի հետ մեծամասնության կոալիցիա էր ձևավորել, վերահաստատեց ընդդիմությունում մնալ իր մտադրությունը:

Այսօր Մերկելը պատրաստվում էր ստեղծված իրավիճակը ներկայացնել Գերմանիայի նախագահ Ֆրանկ-Վալտեր Շտայնմայերին: Քանի որ գերմանական օրենսդրությունը չունի խորհրդարանը ցրելու մեխանիզմներ, նախագահը բունդեսթագին պետք է ներկայացնի կանցլերի թեկնածությունը: Ամենայն հավանականությամբ դա կլինի Մերկելը, ով այս պահին խորհրդարանի ամենամեծ խմբակցության ղեկավարն է: Չնայած ակնհայտորեն Գերմանիայում 2018 թվականին կնշանակվեն արտահերթ խորհրդարանական ընտրություններ, սակայն Մերկելի համար կարևոր է ժամանակ շահել հանրության մոտ իր դաշինքի վարկանիշը բարձրացնելու համար, ուստի առաջիկայում նա ջանք չի խնայի կանցլերի պաշտոնում ընտրվելու համար: Այդ դեպքում Մերկելը կկարողանա արտահերթ ընտրություններ նշանակել իրեն հարմար ժամանակ՝ բունդեսթագում դնելով անվստահության հարցը:

Սակայն վերլուծաբանները կարծում են, որ սա Գերմանիայում քաղաքական սերնդափոխության սկիզբն է: Նախորդ ընտրությունների ժամանակ Գերմանիայի ավանդական կուսակցություններից ոչ մեկին չհաջողվեց բարելավել իր արդյունքն, ավելին՝ Մերկելի կուսակցությունն պատմական նվազագույն արդյունքը գրանցեց՝ չնայած որ հաղթեց ընտրություններում: Նման պայմաններում, եթե գերմանական հիմնական կուսակցություններն ընտրություններին հանդես գան ներկա կազմով, արտահերթ ընտրություններում իր արդյունքը բարելավելու շանսեր կունենա միայն աջ ծայրահեղական «Այլընտրանք Գերմանիայի համար» կուսակցությունը:


Եղանակ
Երևան
Ամպամած
Խոնավություն՝ 71%
Քամի՝ 10 կմ/ժ
2 C°
 
-4°   
26.02.2020
-2°   
27.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: