ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 023,19 դրամ ԱՐԾԱԹ - 225,77 դրամ ՊԼԱՏԻՆ - 12 879,15 դրամ

Ի՞նչ է նշանակում խորհրդարանն ինքնալուծարվի` Փաշինյանը գնում է աթոռը պահելու ճանապարհով. Շարմազանով

Photolure

Ազգային ժողովը թույլ չի տա, որ որևէ մեկը՝ լինի դատական իշխանություն, թե գործադիր իշխանություն, մատ թափ տա Ազգային ժողովի վրա: Այս մասին, այսօր՝ օգոստոսի 28-ին, ԱԺ-ում լրագրողների հետ զրույցում նշել է ԱԺ փոխախագահ, ՀՀԿ մամուլի խոսնակ Էդուարդ Շարմազանովը, փոխանցում է News.am-ը: 

Անդրադառնալով ՀՀ վարչապետ Նիկոլ Փաշինյանի և ԱԺ նախագահ Արա Բաբլոյանի նախօրեին կայացած հանդիպմանը նա ասել է. «Ամենակարևորը՝ ֆիքսվեց շատ կարևոր բան. Նախ, Հայաստանում բազմակարծությունը, այլակարծությունն ու խոսքի ազատությունն աներկբա փաստ է, երկրորդ, դատական համակարգը, օրենսդիր և գործադիր համակարգերը իշխանության առանձին ճյուղեր են և որևէ մեկը չի կարող մտնել մյուսի ֆունկցիայի մեջ: Սա Սահմանադրությամբ է սահմանված: Երրորդ, սահմանադրական փոփոխությունների հարցը կքննարկենք, կխոսենք, և եթե պետք է դա լինի, կարելի է քննարկել նաև հանրաքվեով գնալու տարբերակը: Սրանք տարբերակներ են, ես միշտ էլ մտածել եմ, որ իմ կարծիքը չպետք է բոլորի համար դոգմա լինի»,-ասել է Շարմազանովը:

Հարցին, թե ԱԺ-ն կհամաձայնի՞ վարչապետի առաջարկած սահմանադրական փոփոխություններին, որից հետո կգնա ինքնալուծարման, ՀՀԿ խոսնակը պատասխանել է. «Ես Փաշինյանի ելույթին արձագանքել եմ և շատ խիստ քննադատել եմ, որ այն ամենը, որի համար Փաշինյանը քննադատում էր նախկին իշխանություններին, որ մենք իշխանությունը պահելու, աթոռը պահելու համար սահմանադրական փոփոխությունների ենք գնում, հիմա ինքը գնում է նույն ճանապարհով: Ի՞նչ է նշանակում խորհրդարանն ինքնալուծարվի: Մենք կուսակցությունում չենք քննարկել: Ես իմ դիրքորոշումը հայտնել եմ, որ դեմ եմ դրան, բայց կքննարկենք: Այնպես չէ, որ իմ կարծիքը ՀՀԿ-ում միակն է»:

Նշենք, որ օգոստոսի 17-ին Հանրապետության հրապարակում հանրահավաքի ժամանակ ՀՀ վարչապետ Նիկոլ Փաշինյանը հայտարարել էր, որ իրենք կարող են սահմանադրական փոփոխություններ նախաձեռնել, որը թույլ կտա, որ առանց վարչապետի հրաժարականի հնարավոր լինի ցրել Ազգային ժողովը և անցկացնել արտահերթ ընտրությունները:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 67%
Քամի՝ 11.27 կմ/ժ
12 C°
 
10°  18° 
24.10.2018
11°  21° 
25.10.2018
Հարցում

ՀՀԿ-ն ներկայացված կլինի՞ նորընտիր խորհրդարանում։