ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28,357.07 դրամ ԱՐԾԱԹ - 294.74 դրամ ՊԼԱՏԻՆ - 13,395.31 դրամ

Brexit-ի հարցով Բրյուսելի հետ համաձայնությունը կարող է ձեռք բերվել առաջիկա 3 շաբաթների ընթացքում. Դոմինիկ Ռաաբ

Daily Express

Brexit-ի հարցով գործարքի կնքման հստակ ժամկետը դեռ որոշված չէ: Այս մասին հայտարարել է Լոնդոնը չորեքշաբթի Brexit-ի հարցով նախարար Դոմինիկ Ռաաբի` Լորդերի պալատի՝ Brexit-ի հարցով հանձնաժողովին ուղղված նամակի հրապարակումից հետո, փոխանցում է Euronews-ը: Նամակի համաձայն` Բրյուսելի հետ համաձայնություն կարող է ձեռք բերվել առաջիկա 3 շաբաթների ընթացքում: Ավելի ուշ նա հաստատել է, որ կոնկրետ ժամկետ նշել դեռևս չի կարող:

Մինչ այդ Մեծ Բրիտանիայի արտգործնախարար Ջերեմի Հանթը ևս իր վերջերս կայացած մամլո ասուլիսի ընթացքում հայտարարել է, որ լավատեսորեն է տրամադրված: “Ինձ միանգամայն հնարավոր է թվում մինչ այդ ժամկետը նշանակալի առաջընթացի հասնելը: Այժմ որոշված չեն 2 լուրջ հարց: Դրանցիչց մեկը վերաբերում է այն բանին, թե որքան հարթ կընթանա մեր առևտուրը Brexit-ից հետո, իսկ  մյուսը` Հյուսիսային Իռլանդիայի սահմանի հետ կապված”, - նշել է Ջերեմի Հանթը:

Հիշեցնենք, որ ԵՄ-ից Մեծ Բրիտանիայի դուրս գալու վերաբերյալ բանակցությունները սկսվել են դեռևս անցյալ ամռանը և պետք է ավարտվեն մինչև հաջորդ տարվա մարտի վերջ: Սակայն Բրյուսելի ու Լոնդոնի միջև դեռևս առկա են լուրջ տարաձայնություններ մի շարք հարցերի շուրջ: Ամենաբարդ հարցերից մեկը ԵՄ անդամ Իռլանդիայի Հանրապետության և Միացյալ Թագավորության մաս կազմող Հյուսիսային Իռլանդիայի միջև սահմանի խնդիրն է:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 83%
Քամի՝ 2 կմ/ժ
18 C°
 
19°  31° 
15.07.2020
19°  31° 
16.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: