ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 422,9 դրամ ԱՐԾԱԹ - 228,34 դրամ ՊԼԱՏԻՆ - 12 259,22 դրամ

Մեզ համար կարևոր է Սփյուռքի ազգային ինքնության ամրապնդումը. Արմենուհի Կյուրեղյան (ԲԱՑԱՌԻԿ)

Դեկտեմբերի 9-ին կայանալիք ՀՀ ԱԺ արտահերթ խորհրդարանական ընտրություններին ընդառաջ  «Արմեդիա» ՏՎԳ-ն ներկայացնում է բացառիկ հարցազրույցների շարք ընտրություններին մասնակցող ուժերի հետ՝ ՀՀ արտաքին քաղաքականության ոլորտում իրենց տեսլականի վերաբերյալ։ «Լուսավոր Հայաստան» կուսակցության և «Իմ քայլը» դաշինքի ներկայացուցիչները ժամանակի սղության պատճառով չեն կարողացել պատասխանել մեր այս հարցերին:  

Ձեզ ենք ներկայացնում Հայ Հեղափոխական Դաշնակցություն կուսակցության ներկայացուցիչ Արմենուհի Կյուրեղյանի բացառիկ հարցազրույցը:

 

- Տիկին Կյուրեղյան, որո՞նք են ՀՅԴ արտաքին քաղաքական հիմնական գերակայությունները:

- Արտաքին քաղաքական հարցերում Հայաստանը պիտի առաջնորդվի բացառապես ազգային շահով՝ իր առջև ունենալով պետության հեռանկարային ռազմավարական զարգացման տեսլականը: Մեզ համար արտաքին քաղաքական հիմնական խնդիրներն այսօր Ղարաբաղյան հակամարտության խաղաղ կարգավորումն է, Հայ Դատի հետապնդումը, Հայոց ցեղասպանության միջազգային ճանաչումն ու դատապարտումը: Հայաստանի վարած արտաքին քաղաքականության տեսանկյունից շատ կարևոր է ուժային կենտրոնների հետ բալանսավորված քաղաքականությունն ու հարևան երկրների, մասնավորապես՝ Վրաստանի ու Իրանի հետ բարիդրացիական հարաբերությունների պահպանումը:

- Ինչպիսի՞ն է Ղարաբաղյան հակամարտության կարգավորման Ձեր տեսլականը, որո՞նք են առաջնահերթ քայլերը:

- Ղարաբաղյան հակամարտության կարգավորման հարցի վերաբերյալ ՀՅԴ դիրքորոշումը շատ հստակ է. Արցախի հարցը հայկական հարցի անբաժանելի մասն է, և ի վերջո Արցախը պետք է վերամիավորվի Մայր Հայաստանի հետ:

- Ինչպիսի՞ մոտեցում ունեք ՀՀ ինտեգրացիոն գործընթացների վերաբերյալ:

- Հայաստանի Հանրապետությունը պիտի վարի բալանսավորված արտաքին քաղաքականություն՝ ի շահ Հայաստանի ու հայության: Լինելով ԵԱՏՄ անդամ՝ պիտի շարունակենք համագործակցությունը Եվրոպական միության և եվրոպական մյուս կառույցների ու կազմակերպությունների հետ:

- Որո՞նք պետք է լինեն ՀՀ-Սփյուռք օրակարգի առաջնահերթությունները:

Սփյուռքը մեզ համար ունի առանցքային դեր ու նշանակություն: Հայ Հեղափոխական Դաշնակցության համար Հայոց պետականությունը ոչ միայն Հայաստանի քաղաքացիների, այլև համայն հայության նպատակների իրականացման երաշխավորն է: Մեզ համար կարևորը Սփյուռքի ազգային ինքնության ամրապնդումն է ու հայոց պետականության գործընթացներում սփյուռքահայությանը լիարժեք ներգրավելը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 73%
Քամի՝ 9.66 կմ/ժ
1 C°
 
   
18.12.2018
   
19.12.2018
Հարցում

Կհաջողվի՞ արդյոք Փաշինյանին տնտեսական հեղափոխություն իրականացնել Հայաստանում։