ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 775,21 դրամ ԱՐԾԱԹ - 247,09 դրամ ՊԼԱՏԻՆ - 12 664,18 դրամ

Բոլորս կոչված ենք ընդառաջ գնալ Քրիստոսին. քահանան` Տեառնընդառաջի մասին

Հայ Առաքելական Եկեղեցին ամեն տարի փետրվարի 14-ին՝ Քրիստոսի Սուրբ Ծննդյան օրվանից 40 օր հետո, նշում է քառասուն օրական մանուկ Հիսուսին տաճարին ընծայաբերելու տոնը՝ Տեառնընդառաջը։ 

Տրնդեզ, Տեառնընդառաջ, Տանդառեջ, Տնդալեշ, Տառինջ-տառինջ, Դառդառանջ, Դոռոնջ, Մելետ և բազմաթիվ այլ անուններով հայտնի տոնը հայ ժողովուրդը նշում է դարեր շարունակ։

«Արմեդիա ՏՎԳ»-ն  տոնի հետ կապված զրուցել է Տեր Եսայի քահանա Արթենյանի հետ:

- Տեր Հայր, ո՞րն է Տեառնընդառաջի խորհուրդը:

- Տոնի խորհուրդը թաքնված է հենց անվան մեջ` Տիրոջն ընդառաջ գնալ: Ինչպես որ Սիմեոն ծերունին ընդառաջ գնաց մանուկ Հիսուս Քրիստոսին, գրկեց նրան ու փառաբանեց Աստծուն, այնպես էլ մենք բոլորս կոչված ենք լինել Քրիստոսի հետևորդներ, ընդառաջ գնալ Քրիստոսին: Մեր առաքելությունն է Քրիստոսին ընդունել մեր սրտում, մեր հոգում փառաբանել Աստծուն մեր բարի գործերով, մեր հավատով, Ավետարանի ճանապարհով, պատվիրանապահությամբ, ազնվությամբ, քաջությամբ, բարոյական և ավետարանական ճշմարտություններով:

- Ի՞նչ խորհուրդ ունի Տեառնընդառաջի տոնին կրակի շուրջ պտտվելը, կրակի վրայից թռչելը:

- Դրանք հիմնականում ժողովրդական խաղեր ու ավանդույթներ են, որոնք հոգևոր ոչ մի իմաստ չունեն: Հատկապես, եթե մենք դրանց մեջ գուշակություն ենք տեսնում, ապա դա դատապարտելի և անընդունելի է:

- Ձեր բարեմաղթանքը մեր ընթերցողին:

- Մեր բոլոր ձեռքբերումները, նախաձեռնությունները, մտորումները, որոնք կոչված են մեր հայրենիքի շինության, եկեղեցու պայծառության, մեր հոգիների փրկության, թող Աստված այս ճանապարհին մեզ հաստատուն պահի:

Զրուցեց Ռոզի Միքայելյանը


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 66%
Քամի՝ 8 կմ/ժ
0 C°
 
  10° 
25.02.2019
   
26.02.2019
Հարցում

Գո՞հ եք արդյոք հայ-ռուսական ռազմական համագործակցության վերջին զարգացումներից: