Սա հայ ժողովրդի հաղթանակն է. ԵԱՀԿ ԽՎ դիտորդական առաքելության ղեկավար Պիտեր Օսուցկին` ՀՀ ընտրությունների մասին
Եվրոպայի անվտանգության և համագործակցության կազմակերպության խորհրդարանական վեհաժողովում հայկական պատվիրակության ղեկավար Հայկ Կոնջորյանը, պատվիրակության անդամներ Անի Սամսոնյանը և Համազասպ Դանիելյանը փետրվարի 27-ին հրավիրված մամուլի ասուլիսում մանրամասներ են հայտնել փետրվարի 21-22-ը Վիեննայում տեղի ունեցած ձմեռային նստաշրջանի աշխատանքներից: Նշենք, որ այս կառույցում ներկայացված է 57 երկիր:
Հայկ Կոնջորյանի տեղեկացմամբ՝ պատվիրակությունն ակտիվ աշխատել է ԵԱՀԿ ԽՎ երեք հանձնաժողովներում և դրանց համատեղ նիստում, ունեցել ելույթներ, ներկայացրել Հայաստանում տեղի ունեցած և ընթացող գործընթացները:
«Ակնհայտ էր, որ Հայաստանի միջազգային հեղինակությունն ու վարկանիշը բավական բարձր էր այս հարթակում: Բազմաթիվ պատվիրակություններ և դրանց ղեկավարներ ցանկություն էին հայտնում հանդիպել մեզ հետ, քննարկել, ինչպես նաև տեղեկանալ մեր երկրում տեղի ունեցած գործընթացների վերաբերյալ»,-նշել է բանախոսը:
Պատվիրակության ղեկավարի տպավորությամբ՝ այժմ Հայաստանի նկատմամբ հետաքրքրությունը կապված է ոչ միայն Ղարաբաղյան հակամարտության կարգավորման հարցի հետ, այլև ժողովրդավարության զարգացումներով և համապատասխան ինստիտուտների կայացմամբ: Հայաստանում տեղի ունեցած քաղաքական գործընթացների, մասնավորապես նախորդ տարվա դեկտեմբերի 9-ի խորհրդարանական արտահերթ ընտրությունների կապակցությամբ ելույթ է ունեցել ԵԱՀԿ ԽՎ դիտորդական առաքելությունն այդ օրերին ղեկավարած Պիտեր Օսուցկին և շեշտել, որ ընտրություններն անցել են մարդու և ժողովրդավարության հիմնարար իրավունքներին ու ազատություններին համահունչ, իսկ նախկինում եղած ընտրախախտումներն ու արատավոր երևույթները չեն եղել: «Սա հայ ժողովրդի հաղթանակն է»,-շեշտել է նա՝ հավելելով, որ վերջին 20 տարում դա իր տեսած ամենատպավորիչ ընտրությունն է եղել և ինքն ականատես է եղել հայկական հրաշքի:
Անի Սամսոնյանը Մարդու իրավունքների և հումանիտար հարցերի հանձնաժողովում խոսել է մամուլի ազատության խնդիրներից: Նա նշել է, որ Հայաստանում լրատվամիջոցներն ընդհանուր առմամբ ազատ են, սակայն կան մարտահրավերներ կապված չճշտված լուրերի և ապատեղեկատվության տարածման հետ: Պատգամավորը մտավախություն է հայտնել, որ դրանց դեմ պայքարը կարող է վնասել չորրորդ իշխանության՝ ԶԼՄ-ների աշխատանքին:
ԵԱՀԿ ԽՎ-ում այս հարցով ներկայացուցիչը նույնպես դա գլոբալ խնդիր է համարել և պայմանավորվածություն է ձեռք բերվել միասնաբար գտնել լուծման ուղիներ:
Իր և պատվիրակության անդամների աշխատանքին անդրադարձել է նաև Համազասպ Դանիելյանը, որն աշխատել է Գիտության, տնտեսության, բնապահպանության հարցերի հանձնաժողովում: Այնտեղ քննարկման հատուկ թեմա է եղել կոռուպցիայի դեմ պայքարը, որի առնչությամբ ելույթ է ունեցել նաև հայ պատվիրակը: Մեկ այլ քննարկման անդրադառնալով՝ Համազասպ Դանիելյանը նշել է ֆրանսիացի պատվիրակի հնչեցրած այն տեսակետը, որում նա կարևորել է Արցախի Հանրապետության ներկայացուցիչների մասնակցությունը հակամարտության կարգավորման վերաբերյալ քննարկումներին:
Հայկական պատվիրակության անդամներն ընդհանուր առմամբ դրական են գնահատել իրենց առաջին այցը, կարևորել կառույցում հետագա աշխատանքը՝ ի շահ մեր երկրի:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 35%
Քամի՝ 4,12 կմ/ժ