ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 581,55 դրամ ԱՐԾԱԹ - 353,6 դրամ ՊԼԱՏԻՆ - 15 366,29 դրամ

Վենեսուելայում անցնում են «էլեկտրական հեղափոխության»

The Economist

Վենեսուելայի նախագահ Նիկոլաս Մադուրոն որոշել է գործի դնել օրենսդրական բոլոր միջոցները` ընդդիմության առաջնորդ, իրեն երկրի ժամանակավոր նախագահ հռչակած Խուան Գուաիդոյին քաղաքական դաշտից դուրս մղելու համար: Վերջինս ոչ միայն Վենեսուելայի գերագույն դատարանի երաշխավորությամբ զրկվեց խորհրդարանական անձեռնմխելիությունից, այլ նաև նրա դեմ քրեական դատավարություն հարուցվեց: Գուաիդոն, ինչպես նշում է Մադուրոն, «պետք է պատասխան տա ամեն ինչի համար, որ արել է, այդ թվում  հայրենիքի դավաճանության համար»:

Սակայն Գուաիդոյին ձերբակալելը կարող է էլ ավելի խորացնել Վենեսուելայում տիրող իրավիճակը` հանգեցնելով անգամ քաղաքացիական պատերազմի: Ընդդիմադիրներն արդեն իսկ Գուաիդոյից իր հնարավոր ձերբակալության դեպքում ուժ կիրառելու վերաբերյալ հատուկ հրահանգներ են ստացել:  Դա առավել քան վտանգավոր է՝ հաշվի առնելով, որ հասարակությունը բաժանված է երկու ճամբարների: Վենեսուելական Meganalisis ընկերության կողմից անցակացված սոց․ հարցումների արդյունքների համաձայն բնակչության մոտ 80%-ն աջակցում է ընդդիմության առաջնորդին, իսկ 20%-ը, ինչպես նաև ոստիկաններն ու զինվորականները` Մադուրոյին:

Իրավիճակը կարող է էլ ավելի սրվել ԱՄՆ-ի հնարավոր միջամտության հետևանքով: Միացյալ Նահանգները մեկ անգամ չէ, որ զգուշացրել է Մադուրոյի վարչակազմին, որ իրենց կողմից Վենեսուելայի օրինական նախագահ ճանաչված Խուան Գուաիդոյի ձերբակալությունը խիստ հակազդեցության կարժանանա նաև իրենց կողմից:

Նշենք, որ Վենեսուելայի իշխանություններն այս միջոցներին սկսեցին դիմել այն բանից հետո, երբ Խուան Գուաիդոն կոչ արեց հանրությանը բողոքի ակցիաներ կազմակերպել ամեն անգամ էլեկտրաէներգիայի խափանման ժամանակ և ապրիլի 6-ը հռչակեց «Ազատություն» գործողության շրջանակներում Մադուրոյին տապալելու մարտավարական գործողությունների սկիզբ: Վենեսուելայում մեկ ամսվա ընթացքում արդեն իսկ 4 անգամ տարբեր հարձակումներ են տեղի ունեցել «Էլ Գուրի» ՀԷԿ-ի վրա:

Ի դեպ, Մադուրոն ինքը խոստովանում է, որ հեղաշրջման այս նախագիծը բավականին արդյունավետ է գործում: Առանց էլեկտրաէներգիայի թողնելով բնակչությանը` ընդդիմությունը դրդում է նրանց ավելի շատ հիասթափվել իշխանությունից և մղում է հստակ գործողությունների: Նշենք, որ ըստ ծրագրի` ներկայիս նախագահին տապալելու գործողությունը պետք է ավարտվի Կարակասում լայնամասշտաբ բողոքների ակցիաների միջոցով:

Ներկայիս նախագահը դեռևս կարողանում է վերահսկել իրավիճակը զինվորականների աջակցությամբ: Սակայն ամեն ինչ կարող է վերահսկողությունից դուրս գալ, եթե վերջիններս նույնպես ինչ-որ պահի որոշեն անցնել ընդդիմության կողմը:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
26.09.2021
17°  30° 
27.09.2021
Հարցում

Կցանկանա՞ք արձակուրդն անցկացնել Արցախում: