ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 395,34 դրամ ԱՐԾԱԹ - 226,32 դրամ ՊԼԱՏԻՆ - 12 459,29 դրամ

Brexit. անորոշության աստիճանը չի նվազում

The Economist

Մեծ Բրիտանիայի վարչապետ Թերեզա Մեյը նամակ է հղել Եվրոպական Միության խորհրդի նախագահ Դոնալդ Տուսկին` խնդրելով հետաձգել Brexit-ի ժամկետը մինչև հունիսի 30, որպեսզի Բրիտանիայի խորհրդարանականները հասցնեն համաձայնության գալ Եվրամիության հետ գործարքի շուրջ: 

Սա մեծ Բրիտանիայի կողմից ժամկետի հետաձգման արդեն երկրորդ խնդրանքն է` ուղղված Եվրամիությանը: Առաջին խնդրանքին ի պատասխան Եվրամիությունը հնարավորություն էր տվել հետաձգել ԵՄ-ից Մեծ Բրիտանիայի դուրս գալու ժամկետը մարտի 29-ից մինչև մայիսի 22` համաձայնեցված գործարքը խորհրդարանի կողմից հաստատելու դեպքում, հակառակ պարագայում` մինչև ապրիլի 12:

Կրկնակի հետաձգման մասին խնդրանքից պարզ է դառնում, որ բրիտանական խորհրդարանն այս փուլում ևս որևէ կերպ չի պատրաստվում ընդունել Մեյի կառավարության կողմից Բրյուսելի հետ 2018թ. նոյեմբերին համաձայնեցված գործարքը: Դրան չօգնեց նույնիսկ Թերեզա Մեյի`Brexit-ի իրագործումից հետո հրաժարական տալու մասին խոստումը:

Մեծ Բրիտանիան հայտնվել է, չվախենանք ասել, «սյուռ» իրավիճակում: Պատգամավորները, այդ թվում իշխող Պահպանողական կուսակցության ներկայացուցիչները, ձայների ճնշող մեծամասնությամբ մերժում են կառավարության և ԵՄ միջև համաձայնեցված գործարքը, միևնույն ժամանակ մերժում են նաև տարբեր խորհրդարանականների կողմից ներկայացված բոլոր այլընտրանքային տարբերակները: Մերժելով առկա գործարքը և բոլոր այլընտրանքները՝ խորհրդարանը հավանական է դարձնում «կոշտ» Brexit-ը`լքել Եվրամիությունն առանց որևէ գործարքի, ինչի կողմնակից են շատ եվրահոռետես պատգամավորներ: Սակայն իրավիճակի հակասականությունը կայանում է նաև նրանում, որ ավելի վաղ այդ նույն խորհրդարանը մերժել էր նաև կոշտ Brexit-ի տարբերակը:

Առանձին հետաքրքրություն է ներկայացնում նաև այն հանգամանքը, որ վարչապետը երկրի համար հույժ կարևորություն ունեցող այս հարցում, չունենալով իր ղեկավարած կուսակցության աջակցությունը, դիմում է ռիսկային կամ հուսահատ մի քայլի, և սկսում ելքեր որոնել փակուղային այս իրավիճակից ընդդիմության հետ:  

Ստեղծվել է մի իրավիճակ, երբ Մեծ Բրիտանիայի օրենսդիր մարմինը երկրի պատմության մեջ կարևորագույն մի փուլում տարբեր ներքաղաքական, ներկուսակցական, միգուցե նաև  ավելի լուրջ պատճառներով բոյկոտում է խնդրի լուծումը և այդ լուծմանը բոլոր այլընտրանքները` միաժամանակ չառաջարկելով որևէ այլ, պրագմատիկ լուծում ստեղծված իրավիճակից:

Ապրիլի 10-ին հրավիրված է Եվրամիության արտահերթ գագաթաժողով Brexit-ի հարցով: Հնարավոր է՝ ԵՄ անդամ 27 պետությունների ղեկավարները որոշեն մեկ անգամ ևս ընդառաջել Մեծ Բրիտանիային և հետաձգել փաստացի բաժանումը: Սակայն   խորհրդարանի ներկայիս տրամադրությունները դեռևս հույս չեն ներշնչում, որ իրավիճակը կվերադառնա կառուցողական հուն և փակուղին կհաղթահարվի: Առայժմ տիրում է անորոշությունը, իսկ «կոշտ» Brexit-ի հավանականությունն ամենամեծն է: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 38%
Քամի՝ 5 կմ/ժ
23 C°
 
20°  31° 
17.06.2019
20°  30° 
18.06.2019
Հարցում

Հավանե՞լ եք «Գահերի խաղ»-ի վերջին սերիան: