ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Գերմանիան վավերացրեց ՀՀ-ԵՄ համաձայնագիրը․ ո՞ր երկիրը կլինի հաջորդը

Գերմանիան դարձավ Եվրամիության անդամ 11-րդ երկիրը, որը վավերացրեց ՀՀ-ԵՄ համաձայնագիրը։ Մոտ ապագայում սպասվում է համաձայնագրի վավերացումը նաև Շվեդիայի կողմից։

Հաշվի առնելով Գերմանիայի դերակատարումը Եվրամիությունում՝ նրա կողմից համաձայնագրի վավերացումը կարող է կարևոր ազդակ հանդիսանալ նաև ԵՄ անդամ մյուս երկրների համար և արագացնել վավերացման գործընթացը։

Այս համատեքստում բավական ուշագրավ և մտահոգիչ է Ֆրանսիայի «Դանդաղկոտությունը» վավերացման գործընթացում։ Բնական է, որ վավերացման գործընթացի տեմպերը կախված են ԵՄ անդամ երկրներից յուրաքանչյուրի ներքաղաքական օրակարգից, ինչպես նաև ընթացակարգերից։ Սակայն, Հայաստանի իշխանությունների խնդիրը պետք է լինի թե՛ անձնական, թե՛ կուսակցական, թե՛ պետական կապերի միջոցով առաջ մղել գործընթացն ու հարցի արդիականությունը ԵՄ անդմաների ներքին օրակարգում։ Իսկ Ֆրանսիայի պարագայում, դա առավել քան արդիական է։

Շեշտը պետք է դրվի երկկողմ հարաբերությունների վրա, որպեսզի ԵՄ անդամ բարեկամ երկրները, իրենք արագ վավերացնելով ՀՀ-ԵՄ համաձայնագիրը, հետագայում ուղղակի և անուղղակի «լոբբինգ» իրականացնեն նաև ԵՄ անդամ մյուս երկրների շրջանում։

Հետագայում այս նույն սկզբունքը կարելի է որդեգրել նաև Հայաստանի համար Եվրամիության վիզային ռեժիմի ազատականացման հարցում։ Եթե, հաշվի առնելով բարեկամական հարաբերությունները Հայաստանի հետ, Գերմանիան և Ֆրանսիան համաձայնություն տան վիզային ռեժիմի ազատականացման երկխոսության մեկնարկին, մյուս երկրների հետ պայմանավորվելը զգալիորեն ավելի հեշտ կլինի։

Ամփոփելով արձանագրենք, որ ՀՀ-ԵՄ համաձայնագրի հնարավորինս արագ վավերացումը խիստ կարևոր է Եվրամիության հետ Հայաստանի հարաբերությունների զարգացման տեսանկյունից։ Սակայն դրա համար պետք է հետևողական և ինտենսիվ աշխատանք տանել։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 56%
    Քամի՝ 2,06 կմ/ժ
    4 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: