ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

Արցախը կմասնակցի՞ հումանիտար ոլորտում պայմանավորվածությունների կատարմանը

Այսօր Մոսկվայում տեղի ունեցավ Հայաստանի և Ադրբեջանի արտգործնախարարների հանդիպումը՝ Ռուսաստանի ԱԳ նախարարի և ԵԱՀԿ ՄԽ համանախագահների միջնորդությամբ: Ինքնին ինտենսիվ շփումների փաստը ողջունելի է, առավել ևս, որ դրանք անցնում են բավականաչափ կառուցողական մթնոլորտում, որը հնարավոր է դարձնում պայմանավորվածությունների ձեռքբերումն ու համատեղ հայտարարության համաձայնեցումը: Քիչ չեն եղել դեպքերը, երբ նման հանդիպումներն ավարտվել են առանց արդյունքների և նույնիսկ չի հաջողվել համատեղ տեքստ հրապարակել:

Հետաքրքիր է նաև այն հանգամանքը, որ, չնայած հանդիպման ընթացքում անդրադարձ է կատարվել խնդրի բոլոր ասպեկտներին՝ սահմաններին տիրող իրավիճակին, կարգավորման գործընթացին, հումանիտար ոլորտում համագործակցությանը, պայմանավորվածությունները վերաբերում են հենց վերջինին: Դրանից հետևում է, որ առնվազն այս պահի դրությամբ հենց այս ասպեկտով է հաջողվում երկխոսության մեջ հաջողություններ արձանագրել: Այլ հարց է, թե Ադրբեջանը որքանով է անկեղծ, և որքանով ու ինչպես այդ պայմանավորվածությունները կյանքի կկոչվեն:

Առնվազն երեք հարցում հանդիպման արդյունում կա նախնական պայմանավորվածություն՝ ձերբակալվածների բարեկամների այցելությունների, ԶԼՄ-երի ներկայացուցիչների փոխայցելությունների և գյուղատնտեսական աշխատանքների չխոչընդոտման հարցերում:

Այս պայմանավորվածությունների համատեքստում տրամաբանական է ակնկալել, որ Արցախը նույնպես պետք է լիարժեք ներգրավվածություն ունենա այս գործընթացներին, այսինքն Արցախում բանտարկված ադրբեջանցի դիվերսանտների բարեկամները կայցելեն Արցախ՝ նրանց տեսակցության, իսկ ադրբեջանական ԶԼՄ-երի ներկայացուցիչները կայցելեն Արցախ և Հայաստան, Արցախի և Հայաստանի լրագրողներն էլ՝ Ադրբեջան: Հակառակ դեպքում, այս պայմանավորվածությունները ոչ մի արժեք և արդյունավետություն չեն ունենա:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 45%
Քամի՝ 14 կմ/ժ
18 C°
 
16°  28° 
01.06.2020
16°  28° 
02.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: