ԵՐԵՎԱՆ 22 C°
ՀՀ ԿԲ -
  • USD - 407.52 դրամ +0,52 EUR - 425.9 դրամ +0,9 RUB - 7.41 դրամ +0,41 GBP - 494.73 դրամ +0,73
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չինաստանը կարող է սկսել նոր ռազմակայաններ կառուցել արտասահմանում. Պենտագոն

Time Magazine

Չինաստանի իշխանությունները կարող են սկսել արտասահմանում նոր ռազմաբազաներ ստեղծել՝ իրենց տնտեսական նախագծերի անվտանգության ապահովման համար, հայտնում է NEWS.am-ը: Համապատասխան ենթադրություն է պարունակվում Պենտագոնի՝ Չինաստանի ռազմական ներուժի մասին զեկույցում, այս տվյալները հետագայում կներկայացվեն Կոնգրեսին:

Զեկույցը հաջորդել է Պեկինի կողմից իր արկտիկական քաղաքականության վերաբերյալ «Սպիտակ գրքի» առաջին պաշտոնական հրապարակմանը: Չինաստանն այս փաստաթղթում շարադրել է նավագնացության ուղիների զարգացման ծրագրերը, որոնք բացվել են գլոբալ տաքացման հետևանքով, Արկտիկական տարածաշրջանում «Բևեռային մետաքսի ճանապարհ» ստեղծելու համար:

Չինական գործունեության նման ընդլայնումը կարող է հանգեցնել Արկտիկայում երկրի ռազմական ներկայության մեծացման, ներառյալ սուզանավերի տեղակայումը որպես միջուկային հարձակման զսպման միջոց, նշված է զեկույցում, որը հրապարակվել է Պենտագոնի կայքում:

Դրանից բացի, զեկույցում նշվում է, որ Չինաստանի աճող տնտեսական, դիվանագիտական և ռազմական կշիռը երկրի ղեկավարներն «օգտագործում են տարածաշրջանում Չինաստանի գերազանցությունը հաստատելու և միջազգային ազդեցությունն ընդլայնելու համար»: «Չինաստանի առաջընթացն այնպիսի նախագծերի իրականացման գործում, ինչպես «Մեկ գոտի, մեկ ճանապարհը», հավանաբար, կհանգեցնի արտասահմանում ռազմական բազավորման [ընդլայնման] անհրաժեշտության՝ այդ նախագծերի անվտանգության ապահովման համար»,- նշել են Պենտագոնից:

Փաստաթղթի նյութերի համաձայն՝ Չինաստանն այս պահին միայն երկու արտասահմանյան ռազմաբազա ունի Ջիբութիում: Այն բացվել է 2017 թվականի օգոստոսին: Հիմա արդեն, ինչպես ենթադրում են ամերիկյան ռազմական գերատեսչությունում, Չինաստանը կձգտի լրացուցիչ ռազմաբազաներ ստեղծել «երկրներում, որոնց հետ վաղեմի բարեկամական հարաբերություններ և նման ռազմավարական շահեր ունի, օրինակ՝ Պակիստանում, ինչպես նաև պետություններում, որտեղ արդեն կա արտասահմանցի զինվորականներ տեղակայելու նախադեպ»:

«2018 թվականին լրատվամիջոցների հրապարակումների համաձայն՝ Չինաստանը ձգտում է մեծացնել իր ռազմաբազաների թիվը և ընդլայնել Մերձավոր Արևելքին, Հարավարևելյան Ասիային և Խաղաղ օվկիանոսի արևմտյան հատվածին հասանելիությունը»,- նշված է զեկույցում: Գերատեսչությունից չեն պարզաբանել, թե կոնկրետ ինչպիսի հաղորդագրությունների մասին է խոսքը:

Իր հերթին, Միացյալ Նահանգներն ու նրա դաշնակիցները իրենց Ռազմածովային ուժերը ընդլայնում են Արևելյան Ասիայում, նշում է Reuters-ը: Սա ներառում է ամերիկյան պարեկային հականավային P-8 Poseidon օդանավերով ուժեղացված պարեկում Սինգապուրի և Ճապոնիայի տարածքներից:

Փորձագետները զեկույցում ընդգծել են, որ ԱՄՆ-ն Չինաստանի հետ «կմրցակցի ուժի դիրքերից՝ միաժամանակ Չինաստանին խրախուսելով Միացյալ Նահանգների հետ համագործակցել անվտանգության հարցերում, որոնցում ԱՄՆ-ի և Չինաստանի շահերը համընկնում են»:

Նախկինում ամերիկյան իշխանությունները հայտարարում էին Ռազմավարական հարձակողական սպառազինության կրճատման և սահմանափակման մասին պայմանագրին «բոլոր շահագրգիռ կողմերի», այդ թվում՝ Չինաստանի անդամակցության անհրաժեշտության մասին: Այս պայմանագիրը Ռուսաստանն ու ԱՄՆ-ն կնքել են 2010 թվականին, որը մեկ տարի հետո ուժի մեջ է մտել: Պեկինում ամերիկյան իշխանությունների նախաձեռնություններին առայժմ չեն արձագանքել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 31%
Քամի՝ 7,2 կմ/ժ
22 C°
 
31°  17° 
06.07.2022
32°  19° 
07.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: