ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23,184.63 դրամ ԱՐԾԱԹ - 262.56 դրամ ՊԼԱՏԻՆ - 12,745.62 դրամ

Բոլթոնը հաստատել է ԱՄՆ և Իսրայելի հակահրթիռային պաշտպանության հաջող փորձարկումը

Рамблер/новости

 

ԱՄՆ նախագահի ազգային անվտանգության հարցերով խորհրդական Ջոն Բոլթոնը հաստատել է ԱՄՆ-ի և Իսրայելի հակահրթիռային պաշտպանության համատեղ հաջող փորձը:

 

«Հակահրթիռային պաշտպանության ոլորտում ամերիկյան և իսրայելական երկարատև համագործակցության ընթացքում մեծ առաջընթաց է գրանցվել: Հաջող փորձարկումը ոչ միայն երկու երկրների ազգային անվտանգության համար կարևոր իրադարձություն էր, այլև օգնել է Մերձավոր Արևելքում տարածաշրջանային անվտանգությանը», - գրել է Բոլթոնը Twitter- ում:

Նա տեղադրել է Jerusalem Post պարբերականում հրապարակված հոդվածի հղումը, որում ներկայացված են Ալյասկայում որսող հրթիռների 10-օրյա փորձարկումները: Պարբերականի տեղեկություններով՝ սա Իսրայելի սահմաններից դուրս հրթիռների առաջին փորձարկումն էր:

«Հեց-3» («Նետ-3») հրթիռը 2 երկրները մշակում են իսրայելական ՀՀՊ «վերին էշելոնի» ուժեղացման համար, որը, ըստ դրա ճարտարապետների մտահղացման, պետք է արդյունավետորեն հակազդի պոտենցիալ սպառնալիքներին՝ պաղեստինցի գրոհայինների զինանոցի ինքնաշեն ռեակտիվ արկերից մինչև իրանական բալիստիկ հրթիռներ:

Փորձարկումների անցկացման մասին կիրակի հայտարարել էր Իսրայելի վարչապետ Բենիամին Նեթանյահուն: Նրա խոսքով՝ հրթիռային համալիրը թիրախի մթնոլորտային հաջող որսում է կատարել նախկինում անհասանելի արագություններով և բարձրություններում: Նա հավաստիացրել է, որ այս հրթիռն Իսրայելին թույլ կտա խփել Իրանի բալիստիկ հրթիռները, եթե Թեհրանը որոշի հարձակվել հրեական պետության վրա:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 33%
Քամի՝ 15 կմ/ժ
25 C°
 
21°  36° 
21.08.2019
21°  36° 
22.08.2019
Հարցում

Աջակցո՞ւմ եք «Արցախը Հայաստան է և վերջ» կարգախոսը: