ԵՐԵՎԱՆ 8 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 123,45 դրամ ԱՐԾԱԹ - 238,83 դրամ ՊԼԱՏԻՆ - 11 747,47 դրամ

Կասկածի տակ է առնվում պետական կառավարման արդյունավետությունն առհասարակ

Այսօր՝ օգոստոսի  26-ին Ամուլսարի գործով քննչական խմբի ղեկավար Յուրա Իվանյանը հանդես եկավ ասուլիսով: Պատասխանելով լրագրողների հարցերին, վերջինս փաստեց, որ «Էլարդ»-ի կողմից կատարված ուսումնասիրությունները հիմնված են այդ գործով նախկինում ներկայացված փաստաթղթերի վրա:  Հիմնական խնդիրը կայանում է նրանում, որ «Էլարդ»-ի եզրակացությունը հիմնված է նախկինում արված այն ուսումնասիրությունների վրա, որոնք ներկայիս իշխանության ներկայացուցիչների կողմից պարբերաբար ենթարկվել են քննադատությունների, որակվել որպես կեղծիք: Մինչդեռ այսօր դրանց հիման վրա արված եզրակացությունն ընդունելի է իշխանությունների համար և հիմք՝ հանքի շահագործման թույլտվության:

Սա սակայն մեդալի մի կողմն է: Մյուս կողմում այս ամենի համար արված ծախսերն են՝ 400 հազար դոլարը:  Հավանաբար իշխանությունների հաշվարկը հիմնված էր նրա վրա, որ  դրսից բերված փորձագետները կլինեն հանրության համար ավելի վստահելի: Սակայն փորձը ցույց տվեց այդ հաշվարկի սխալականությունը: Ավելին, հիմա արդեն այլ հարց է առաջանում՝ որքանո՞վ արժեր պետական միջոցներից այդքան գումար ծախսել միայն նրա համար, որ եղածի կրկնակի ուսումնասիրությունն արվի միջազգային փորձագետների կողմից:

Այլ է հարցը, որ միջազգային փորձագետների ներգրավումը ճիշտ կլիներ, բայց եթե այդ փորձագետներն անեին սեփական ուսումնասիրություններն ու տային դրանց վրա հիմնված եզրակացություն:

 Արդյունքում մենք ականատես ենք լինում պետական միջոցների սխալ կառավարման նախադեպի: Սա  հիմք է անվստահության և օբյեկտիվ կասկածի, որ այսուհետ ինչ-որ նպատակով հատկացված պետական միջոցները ևս կարող են դառնալ անիմաստ ծախսեր:

 

 


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 73%
Քամի՝ 9 կմ/ժ
8 C°
 
  12° 
11.04.2020
  13° 
12.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: