ԵՐԵՎԱՆ 18 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բրիտանիայի թագուհին հանդես կգա գահական ելույթով, որի գլխավոր թեման կլինի Brexit-ը

Մեծ Բրիտանիայի թագուհի Եղիսաբեթ II-ը երկուշաբթի կբացի բրիտանական խորհրդարանի նոր նստաշրջանը։ Միապետը հանդես կգա, այսպես կոչված, գահական ճառով, որն ավանդույթի համաձայն՝ պատրաստվում է գործող կառավարության կողմից և ներառում է նրա հիմնական առաջնահերթությունները եկող տարում։

Այս անգամ խոսքը Պահպանողական կուսակցության նոր կառավարության (վարչապետ Բորիս Ջոնսոնի գլխավորությամբ)  գործողության ծրագրի մասին է։ Այն իշխանության է եկել հուլիսի վերջին։

Press Association գործակալության տեղեկատվությամբ՝ կներկայացվեն 22 օրինագծեր, այդ թվում առողջապահության, հանրային անվտանգության և իրավակարգի ապահովման, երկաթուղիների կարգավորման, միգրացիոն քաղաքականության ոլորտներում։ Բայց ուղերձի գլխավոր թեման, որը սովորաբար տևում է 10 րոպեից պակաս, պետք է դառնա Մեծ Բրիտանիայի ելքը ԵՄ-ից։

Իր ելույթով թագուհին կհայտարարի այն մասին, որ խորհրդարան մտցվի Եվրամիությունից Մեծ Բրիտանիայի դուրս գալու մասին նախագիծ։ 

Ի դեպ, լինելով թագուհի 1952 թվականից՝ 92-ամյա Եղիսաբեթը 65 անգամ գահական խոսք է կարդացել։ Միապետն այս արարողությունը բաց է թողել միայն երկու անգամ՝ 1959-ին և 1963-ին՝ հղիության պատճառով։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 34%
    Քամի՝ 2,06 կմ/ժ
    18 C°
     
    25°  14° 
    17.04.2024
    27°  15° 
    18.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: