ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 899,1 դրամ ԱՐԾԱԹ - 282,75 դրամ ՊԼԱՏԻՆ - 15 164 դրամ

Ամերիկացի կոնգրեսականները գաղտնի մեկնել են Աֆղանստան. Ո՞րն էր այցի նպատակը

Politico

Ամերիկացի կոնգրեսականներից բաղկացած պատվիրակությունը մեկնել է Աֆղանստան: Այս մասին կիրակի՝ հոկտեմբերի 20-ին, հայտնել են Ներկայացուցիչների պալատի խոսնակ Նենսի Փելոսիի գրասենյակից: Աղբյուրի փոխանցմամբ՝ պատվիրակությունը բաղկացած էր ութ դեմոկրատ և մեկ հանրապետական պատգամավորից:

Հետաքրքրական է, որ այցն իր ժամանակագրությամբ համընկել է ԱՄՆ պաշտպանության նախարար Մարկ Էսփերի՝ Աֆղանստան իրականացրած այցին: Ավելին, կայացել է նաև կոնգրեսականների հանդիպումն ու քննարկումը ԱՄՆ պաշտպանության նախարարի հետ: Էսփերը լրագրողների հետ զրույցում նշել էր, որ իր նպատակը շարունակում է մնալ թալիբների հետ համաձայնագրի ստորագրումն ու զորքերի դուրսբերումը:

Նենսի Փելոսիի փոխանցմամբ՝ իրենց պատվիրակությունը մի շարք այլ կարևոր հանդիպումներ ևս ունեցել է: Աֆղանստանի իշխանությունների, մասնավորապես՝ նախագահի և վարչապետի հետ կոնգրեսական պատվիրակության հանդիպումների առանցքում անվտանգությանը, կառավարչական և տնտեսական զարգացմանն առնչվող թեմաներն էին: Կայացել է հանդիպում և քննարկում նաև Աֆղանստանում ԱՄՆ դեսպան Ջոն Բասսի հետ:

Հանդիպումների ավարտին Փելոսին նշեց, որ իրենք կվերադառնան Վաշինգտոն «փաստերով և գիտելիքներով հարստացած», ինչպես նաև «ոգեշնչված առաջնագծում կանգնած զինվորականների և դիվանագետների քաջությամբ»:

Իսկ դեմոկրատ կոնգրեսականների այցի նպատակը Աֆղանստան, անշուշտ, ամերիկացի զինվորականներին հանդիպելը և նրանց խիզախության մասին բարձրաձայնելը չէր: Դեմոկրատները փորձում են օգտագործել իրավիճակը և հատկապես այն, որ սեպտեմբերի սկզբին նախագահ Թրամփը չեղարկեց հանդիպումը թալիբների հետ և դադարեցրեց բանակցությունները, ցույց տալու համար, որ այս ուղղությամբ ևս ամերիկյան իշխանությունները տանուլ են տալիս:


Եղանակ
Երևան

Խոնավություն՝ 75%
Քամի՝ 6 կմ/ժ
2 C°
 
-4°   
26.02.2020
-2°   
27.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: