ԵՐԵՎԱՆ 27 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 885,82 դրամ ԱՐԾԱԹ - 284,72 դրամ ՊԼԱՏԻՆ - 12 898,69 դրամ

Ինչո՞ւ Ալիևը չի կրկնում Փաշինյանի «աննախադեպ», «կառուցողական» հայտարարությունը

Հայաստանի Հանրապետության վարչապետ Նիկոլ Փաշինյանը Փարիզի խաղաղության երկրորդ համաժողովի շրջանակում վարպետաց դաս ձևաչափով թեմատիկ քննարկման ժամանակ հերթական անգամ կոչ է արել պաշտոնական Բաքվին հանդես գալ հայտարարությամբ, որ Ղարաբաղյան հակամարտության կարգավորումը պետք է ընդունելի լինի Ադրբեջանի, Լեռնային Ղարաբաղի և Հայաստանի Հանրապետության ժողովուրդների համար։

Ադրբեջանի նախագահ Իլհամ Ալիևը «Վալդայ» ակումբում ընդամենը մեկ ամիս առաջ ունեցած ելույթի ժամանակ, ուղղակիորեն անդրադառնալով Փաշինյանի այս հայտարարությանը, նշել էր, որ Ադրբեջանի համար ընդունելի է կարգավորումը միայն իր տարածքային ամբողջականության շրջանակներում: Ավելին, Ալիևը հայտարարել էր, որ «Լեռնային Ղարաբաղի ժողովուրդ գոյություն չունի, Լեռնային Ղարաբաղն ունի բնակչություն՝ կազմված հայերից և ադրբեջանցիներից»:

Ալիևի այս ուղերձը Հայաստանում, ըստ էության, չեն ըմբռնել, և Հայաստանի իշխանությունները շարունակում են ցանկացած հնարավորություն օգտագործել Ալիևին խնդրելու կրկնել Փաշինյանի հայտարարությունը: Ըստ Նիկոլ Փաշինյանի՝ Ալիևի կողմից նման հայտարարությունը բեկում կմտցնի բանակցային գործընթացում: Սակայն պետք է նկատել, որ բանակցային գործընթացն արդեն ավելի քան 20 տարի է ընթանում է երեք կողմերի համար ընդունելի կարգավորում գտնելու տրամաբանության ներքո, ուստի հայտարարության բեկումնային լինելու հարցը շատ կասկածելի է:

Փոխարենն այս «աննախադեպ» հայտարարությունը բավականին խնդրահարույց է: Երբ Փաշինյանը հայտարարում է, որ լուծումը պետք է ընդունելի լինի երեք ժողովուրդների համար, Բաքվին հնարավորություն է տալիս հիմնավորված կերպով հրաժարվելու ընդունել Արցախի ժողովրդի կողմից ինքնորոշման իրավունքի իրացումը և դրա արդյունքները, այն դեպքում, երբ այն պետք է ուղղակի ի գիտություն ընդունվի: Այս համատեքստում հետաքրքրիր է ՌԴ ԱԳ նախարար Սերգեյ Լավրովի հայտարարությունն այն մասին, որ Լեռնային Ղարաբաղի վերջնական կարգավիճակը որոշվելու է բանակցությունների ժամանակ՝ հիմնված պարտադիր իրավական ուժ ունեցող կամարտահայտման վրա:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 41%
Քամի՝ 7 կմ/ժ
27 C°
 
18°  27° 
11.07.2020
18°  28° 
12.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: